Michelle Breedt

in Wikipedia, die vrye ensiklopedie
Jump to navigation Jump to search
Michelle Breedt
Geboorte3 Junie 1967
Beroep(e)Sangeres
Tipe stemMezzosopraan
Instrument(e)Stem
Webwerfmichellebreedt.com
AssosiasiesKruik, Staatstheater Braunschweig
Portal.svg Musiekportaal

Michelle Breedt is ’n Suid-Afrikaanse mezzosopraan. Sy is aan die Universiteit Stellenbosch opgelei en begin haar loopbaan by die opera-afdeling van die destydse Kaaplandse Raad vir die Uitvoerende Kunste (Kruik). In 1990 verhuis sy na Duitsland en word 'n lid van die Keulen-opera, en toe die Staatsteater in Brunswyk. Sy het haar daar in minder bekende belcanto-mezzosopraan-rolle gevestig, soos dié van Diana/Giove in La Calisto van Francesco Cavalli, en Anna in Die sieben Todsünden (Die sewe doodsondes) van Kurt Weill.

Breedt is ’n voorste vertolker van rolle geskep deur die Franse Romantiese komponis Hector Berlioz. As vryskutsolis tree sy in operahuise reg oor die wêreld op. ’n Optrede wat haar groot erkenning besorg het, is haar vertolking van Lisa in die wêreldpremière van Mieczysław Weinberg se The Passenger in 2010 in Bregenz, Oostenryk. Sy is met 'n Eberhard Waechter-medalje vir haar uitstaande optredes in die Weense Staatsopera bekroon. Sy het ook die German Critic's Award ontvang vir haar CD-opnames van operas deur Korngold en Dvorak.[1]

Breedt is 'n professor in musiek aan die Musiekskool van die Universiteit München, asook 'n besoekende hoogleraar in Sang aan die Konservatorium vir Musiek aan die Universiteit Stellenbosch.[2]

Verwysings[wysig | wysig bron]

  1. Matieland 2006:2, besoek op 16 April 2017
  2. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]