Michelle Groome

Voeg skakels by
in Wikipedia, die vrye ensiklopedie
Michelle Jennifer Groome
Alma mater Universiteit van die Witwatersrand
Bekend vir NIOS openbare skakeling
Vakgebied
  • Aansteeklike siektes
  • Openbare gesondheid
  • Kindergesondheid
Instellings
PhD Proefskrif Rotavirus Vaccine and Diarrhoeal Morbidity in South Africa
Profskriftoesighouer Prof. Shabir Madhi
Webwerf wits-vida.org/team-member/dr-michelle-groome/
Twitter-gebruikersnaam @dr_groome

Dr Michelle Jennifer Groome[1] MBBCh is 'n mediese dokter wat in openbare gesondheid gespesiliseer het. Sy is Hoof van die Afdeling Openbare Gesondheidstoesig en Reaksie aan die Nasionale Instituut vir Oordraagbare Siektes en is Senior Navorser, Skool vir Patologie, Fakulteit Gesondheidswetenskappe, Universiteit van die Witwatersrand, waar sy doseer en oor nagraadse studente toesig hou. Sy was voorheen Senior Navorser en hoof aan die Suid-Afrikaanse Mediese Navorsingsraad se Respiratoriese en Meningeale Patogene Navorsingseenheid. Sy het meer as 15 jaar ondervinding op die gebied van aansteeklike siektes en entstofkunde en was betrokke by die uitvoer van kliniese entstofproewe, respiratoriese en diarreesiektes-toesigprogramme en waarnemingstudies wat die impak, doeltreffendheid, immunogenisiteit en veiligheid van entstowwe in Suid-Afrika bepaal.[2][3]

Opvoeding[wysig | wysig bron]

Rekenaargesteunde rekonstruksie van 'n rotavirus, deels onderwerp van dr Groome se PhD-proefskrif

Groome het in 1991 aan die Pretoria High School for Girls gematrikuleer, met onderskeidings in al haar vakke.[4] In 1997 het sy haar mediese doktersgraad (MBBCh) met lof (cum laude) aan die Universiteit van die Witwatersrand behaal. Groome het 'n diploma in kindergesondheid aan die Kolleges van Geneeskunde Suid-Afrika in 1999 voltooi. In 2010 het sy haar meestersgraad (MSc (Med)) in Epidemiologie en Biostatistiek en in 2016 haar doktersgraad in Openbare gesondheid, beide aan die Universiteit van die Witwatersrand, voltooi.[2][3] Haar MSc-proefskrif, "The burden of severe acute gastroenteritis and risk factors with poor outcome in a cohort of Sowetan children under five years of age" is in 2010 voltooi.[4] Haar PhD-proefskrif, "Rotavirus Vaccine and Diarrhoeal Morbidity in South Africa", is onder toesig van prof. Shabir Madhi voltooi.

Loopbaan[wysig | wysig bron]

Nadat sy haar PhD voltooi het, het Groome een jaar as 'n "Great Leap Forward"-genoot deurgebring.[4] Groome was 15 jaar lank, begin in 2005, by die Respiratoriese en Menigeale Patogene Navorsingseenheid van die Universiteit van die Witwatersrand. In Mei 2005, is sy aangestel as Navorsings Mediese Beampte by Chris Hani Baragwanath-hospitaal en in 2010 is sy bevorder tot Senior Kliniese Navorser / Mediese Epidemioloog. In Januarie 2021 is Groome aangestel as Hoof van die Afdeling Openbare Gesondheidstoesig en -reaksie aan die NIOS.[5]

Gedurende haar loopbaan het sy meer as 100 artikels in wetenskaplike tydskrifte gepubliseer, en was 'n gereelde aanbieder by plaaslike en internasionale konferensies.[2][3]

Toekennings[wysig | wysig bron]

Groome het baie toekennings en erkenning ontvang vir haar bydraes tot die mediese wetenskap, insluitend die 2016 Opkomende wêreldleier-toekenning van die Fogarty International Center en het navorsingsbefondsing van hulle ontvang.[6] In 2017 het sy die gesogte Nagraadse Graad-toekenning (PhD) van die Fakulteit Gesondheidswetenskappe by WITS ontvang.[2][4] Die Silwer wetenskaplike meriete-toekenning 2017 van die Suid-Afrikaanse Mediese Navorsingsraad is aan haar toegeken.[2][4] In 2018 is sy met 'n Nasionale Navorsingstigting-gradering C1 toegeken.[2][4]

Geselekteerde publikasies[wysig | wysig bron]

Groome het meer as 100 artikels in wetenskaplike tydskrifte gepubliseer, insluitend:

  • Groome, Michelle J; Page, Nicola; Cortese, Margaret M; Moyes, Jocelyn; Zar, Heather J; Kapongo, Constant N; Mulligan, Christine; Diedericks, Ralph; Cohen, Cheryl; Fleming, Jessica A; Seheri, Mapaseka; Mphahlele, Jeffrey; Walaza, Sibongile; Kahn, Kathleen; Chhagan, Meera; Steele, A Duncan; Parashar, Umesh D; Zell, Elizabeth R; Madhi, Shabir A (2014). "Effectiveness of monovalent human rotavirus vaccine against admission to hospital for acute rotavirus diarrhoea in South African children: a case-control study". The Lancet Infectious Diseases (in Engels). Elsevier BV. 14 (11): 1096–1104. doi:10.1016/s1473-3099(14)70940-5. ISSN 1473-3099.
  • Groome, Michelle J; Koen, Anthonet; Fix, Alan; Page, Nicola; Jose, Lisa; Madhi, Shabir A; McNeal, Monica; Dally, Len; Cho, Iksung; Power, Maureen; Flores, Jorge; Cryz, Stanley (2017). "Safety and immunogenicity of a parenteral P2-VP8-P[8] subunit rotavirus vaccine in toddlers and infants in South Africa: a randomised, double-blind, placebo-controlled trial". The Lancet Infectious Diseases (in Engels). Elsevier BV. 17 (8): 843–853. doi:10.1016/s1473-3099(17)30242-6. ISSN 1473-3099.
  • Groome, Michelle J; Moon, Sung-Sil; Velasquez, Daniel; Jones, Stephanie; Koen, Anthonet; van Niekerk, Nadia; Jiang, Baoming; Parashar, Umesh D; Madhi, Shabir A (4 Februarie 2014). "Effect of breastfeeding on immunogenicity of oral live-attenuated human rotavirus vaccine: a randomized trial in HIV-uninfected infants in Soweto, South Africa". Bulletin of the World Health Organization (in Engels). WHO Press. 92 (4): 238–245. doi:10.2471/blt.13.128066. ISSN 0042-9686.

Verwysings[wysig | wysig bron]

  1. ↑ "Michelle Jennifer Groome". ResearchGate.net (in Engels). Besoek op 4 Januarie 2022.
  2. ↑ 2,0 2,1 2,2 2,3 2,4 2,5 "Dr Michelle Groome". Wits VIDA Research Unit (in Engels). 14 April 2021. Besoek op 4 Januarie 2022.
  3. ↑ 3,0 3,1 3,2 "Michelle J. Groome". The Conversation (in Engels). 8 September 2021. Besoek op 4 Januarie 2022.
  4. ↑ 4,0 4,1 4,2 4,3 4,4 4,5 "Michelle Groome". LinkedIn (in Engels). Besoek op 4 Januarie 2022.[dooie skakel]
  5. ↑ "Management". NICD (in Engels). 12 Oktober 2021. Besoek op 4 Januarie 2022.
  6. ↑ Cox, Sharon; Withers, Aletha; Arnold, Marion; Chitnis, Milind; de Vos, Corné; Kirsten, Mari; le Grange, Susanna M.; Loveland, Jerome; Machaea, Sello; Maharaj, Ashwini; Madhi, Shabir A.; Tate, Jacqueline E.; Parashar, Umesh D.; Groome, Michelle J. (2 Julie 2021). "Clinical presentation and management of childhood intussusception in South Africa". Pediatric Surgery International (in Engels). Springer Science and Business Media LLC. 37 (10): 1361–1370. doi:10.1007/s00383-021-04946-7. ISSN 0179-0358. Funders who supported this work....Fogarty International Center

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Michelle_Groome&oldid=2477237"