Mike Winkelmann

in Wikipedia, die vrye ensiklopedie
Mike Winkelmann
Geboortenaam Mike Winkelmann
Gebore 20 Junie 1981
Wisconsin, VSA
Sterf
Nasionaliteit Vlag van Verenigde State van Amerika Verenigde State
Veld Digitale kuns

Mike Winkelmann (gebore 20 Junie 1981), bekend as Beeple of Beeple Crap, is 'n digitale kunstenaar, grafiese ontwerper en animator wat alom bekend is vir die gebruik van verskillende mediums in die skep van komiese, fantasmagoriese werke wat politieke, sosiale kommentaar lewer terwyl popkultuurfigure as verwysings gebruik word, onder meer in sy Everydays-reeks. Everydays: The First 5000 Days, 'n collage van beelde uit die genoemde reeks is op 11 Maart 2021 vir VS$ 69,34 miljoen verkoop, wat dit die derde duurste kunswerk van 'n lewende kunstenaar maak.[1] Dit is die eerste suiwer nieverwisselbare item wat deur Christie's afslaers verkoop word.

"Everydays" van Junie 2016

Winkelmann, gebaseer in Charleston, San Francisco,[2] het aanvanklik erkenning gekry deur talle VJ-video's verniet deur die Creative Commons-lisensie aan te bied, wat daartoe gelei het dat hy werk as vryskutkunstenaar gekry het om animasie en grafika vir musiekvideo's en optredes te skep; waaronder MTV, VMA en die Super Bowl.[3] Winkelmann het werke vir baie bekendes geskep soos Avicii, Childish Gambino, Ariana Grande en meer. Sowel as vir handelsmerke naamlik onder andere Apple, Louis Vuitton en Nike.[4]

Winkelmann se werk wissel van kommersiële werk, albumkuns, kortfilms, VR (skynwerklikheid) en AR (toegevoegde werklikheid)-werke.[5] Hy oefen en ontwikkel sy artistieke vaardighede deur elke dag 'n kunswerk te voltooi, bekend as sy Everydays-reeks en plaas dit elke dag op sosiale media.[6] Hierdie roetine en aksie het aan hom baie erkenning verleen, waar handelsmerke soos Louis Vuitton gevra het om sy werke te gebruik.[7]

Deur van sy werke uit sy reeks "Everydays" in Desember 2020 aanlyn op te veil, het dit vir altesaam VS$ 3,5 miljoen verkoop.[8] Daarna het Winkelmann 'n versameling saamgestel van die eerste vyfduisend illustrasies wat hy vir sy Everydays voltooi het, getiteld Everydays: The First 5000 Days.[9] Hierdie versameling is die eerste kuns wat op NVI (nieverwisselbare items) gebaseer is, wat van 24 Februarie tot 11 Maart 2021 by Christie's se veilingshuis opgeveil was.[10]

Verwysings[wysig | wysig bron]

  1. ↑ "EVERYDAYS: THE FIRST 5000 DAYS". Christie's. Besoek op 11 Maart 2021.
  2. ↑ Rapkin, Mickey (17 Februarie 2021). "'Beeple Mania': How Mike Winkelmann Makes Millions Selling Pixels". Esquire (in Engels (VSA)). Besoek op 24 Februarie 2021.
  3. ↑ Rapkin, Mickey (17 Februarie 2021). "'Beeple Mania': How Mike Winkelmann Makes Millions Selling Pixels". Esquire (in Engels (VSA)). Besoek op 22 Februarie 2021.
  4. ↑ Damiani, Jesse. "From Crypto To Christie's: How Beeple Put Digital Art On The Map—And Then Catalyzed Its Market". Forbes (in Engels). Besoek op 22 Februarie 2021.
  5. ↑ White, Avery (3 Januarie 2020). "Beeple on creating a zombie Mark Zuckerberg and flesh-eating Baby Yoda to examine the times". The Verge (in Engels). Besoek op 22 Februarie 2021.
  6. ↑ Locke, Taylor (18 Februarie 2021). "Mark Cuban is bullish on NFTs, and they're about to go more mainstream with an auction at Christie's". CNBC (in Engels). Besoek op 24 Februarie 2021.
  7. ↑ Rapkin, Mickey (17 Februarie 2021). "'Beeple Mania': How Mike Winkelmann Makes Millions Selling Pixels". Esquire (in Engels (VSA)). Besoek op 24 Februarie 2021.
  8. ↑ "Christie's Auction House Will Now Accept Cryptocurrency". Bloomberg.com (in Engels). 18 Februarie 2021. Besoek op 24 Februarie 2021.
  9. ↑ "Beeple's masterwork: the first purely digital artwork offered at Christie's | Christie's". www.christies.com (in Engels). Besoek op 24 Februarie 2021.
  10. ↑ "Beeple (b. 1981), EVERYDAYS: THE FIRST 5000 DAYS | Christie's". onlineonly.christies.com. Besoek op 24 Februarie 2021.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Mike_Winkelmann&oldid=2663133"