Minderjarigheid

in Wikipedia, die vrye ensiklopedie
(Aangestuur vanaf Minderjarig)

Minderjarigheid in die reg dui op ’n persoon wat nog nie mondig is nie en dus nog nie as ’n volwassene beskou word nie. Dit hang van gebied tot gebied af, maar is gewoonlik 18. In Suid-Afrika was mondigwording voorheen op 21, maar dit is kragtens die Kinderwet van 2005 tot 18 verlaag.[1][2]

Die term minderjarige word dikwels gebruik in verband met sekere beperkings wat niks met mondigwording te doen het nie. Die ouderdom om te mag drink in die VSA is byvoorbeeld gewoonlik 21 en jonger mense word soms minderjariges genoem in terme van die alkoholwet, al is hulle 18 of ouer.[3][4] Dit kan ook gebruik word in verband met die ouderdom waarop ’n mens mag rook, seks hê, bestuur, stem, ensovoorts. Dit verskil dikwels van die ouderdom van mondigwording.

In baie lande, soos Australië, Indië, Brasilië, Kroasië, Colombia en Suid-Afrika word iemand van 18 as mondig beskou. In Amerika, waar die ouderdom van mondigwording van deelstaat tot deelstaat wissel, is dit gewoonlik 18, maar in sekere state kan dit op sekere gebiede (soos dobbel en drink) 21 wees.

In Japan, Taiwan en Thailand is ’n minderjarige iemand jonger as 20. In Nieu-Seeland is dit ook 20,[5] maar sekere dinge is op ’n jonger ouderdom toelaatbaar, soos 15 vir die ondertekening van dokumente en om ’n testament te mag hê.[6]

Verwysings[wysig | wysig bron]

  1. Kinders nou mondig op 18, Die Kwêvoël, 23 Julie 2007. Besoek op 27 November 2019.
  2. KONTRAKTEREG - Dikwels Gestelde Vrae Geargiveer 27 November 2019 op Wayback Machine, prokureur.co.za. Besoek op 27 November 2019.
  3. "Liquor Control Act". State of Connecticut. 'Minor' means any person under twenty-one years of age.
  4. "Offenses Against the Family" (in Engels). State of Tennessee. Geargiveer vanaf die oorspronklike op 27 November 2019.
  5. "Age of Majority Act 1970" (in Engels). Geargiveer vanaf die oorspronklike op 31 Januarie 2020. Besoek op 9 Augustus 2016.
  6. Richard Rudman. Zealand Employment Law Guide (2013-uitgawe). Besoek op 13 Junie 2015.

Eksterne skakels[wysig | wysig bron]