Mitch McConnell

in Wikipedia, die vrye ensiklopedie
Jump to navigation Jump to search

Addison Mitchell McConnell Jr. (gebore op 20 Februarie 1942) is 'n Amerikaanse politikus wat tans dien as die Senior VSA Senator van die deelstaat Kentucky en is hy ook Meerderheidsleier van die Senaat.

McConnell is die tweede Kentuckiaan om sy party, die Republikeinse Party (Verenigde State) te lei in die Senaat, en is die langsdienende VSA Senator van Kentucky in die geskiedenis van die Verenigde State en die langsdienende Republikeinse leier in die geskiedenis van die VSA.

As 'n lid van die Republikeinse Party (Verenigde State) was McConnell in 1984 verkies na die Senaat, en sedertdien vyf keer herverkies. Gedurende die 1998 en 2000 verkiesingsiklusse was McConnell die voorsitter van die Nasionale Republikeinse Senatoriale Komitee. McConnell was verkies as meerderheidsleier in die 108ste kongres van die VSA, en was weer in 2004 verkies na die pos.

In November 2006 was McConnell verkies as Minderheidsleier van die Senaat toe die Demokrate gedurende die siklus die meerderheid gevorm het in die VSA Senaat, en hy het die pos tot 2015 gehou, toe die Republikeine beheer oorgeneem het van die Senaat en hy Meerderheidsleier van die Senaat geword het.

McConnell was in sy vroeë loopbaan bekend as 'n pragmatis en 'n gematigde Republikein maar het met die tyd meer na regs beweeg. McConnell was in opposisie teen strenger verkiesingsveldtog finansieringsreëls, wat 'n hoogtepunt bereik het met die uitspraak van die Hooggeregshof van die Verenigde State van Amerika wat die Twee-Party Wet op Verkiesingsveldtog Hervorming (McCain-Feingold) in 2009 gedeeltelik herroep het.

Gedurende die Obama presidentskap, het McConnell daaraan gewerk om Republikeinse ondersteuning vir presidensiële inisiatiewe te kniehalter; en het hy verskeie kere gebruik gemaak van die "filibuster", en 'n aansienlike aantal van Obama se judisiële nominasies geblok, insluitende die nominasie van Merrick Garland vir die Hooggeregshof van die Verenigde State van Amerika.

McConnell het later sy opposisie tot die nominasie van Garland beskryf as "die belangrikste besluit wat ek gemaak het in my hele publieke loopbaan." In 2015 was McConnell ingesluit in die Time 100 lys van die mees invloedryke persone in die wêreld.

McConnell het Rand Paul in die 2016 Republikeinse "primaries" onderskryf voordat hy uiteindelik die toe-vermoedelik genomineerde Donald Trump ondersteun het. In 2016, nadat hy genader was deur beamptes van die VSA intelligensie gemeenskap, het McConnell geweier om 'n Twee-Party verklaring met President Obama te gee wat Rusland waarsku om nie in te meng in die komende verkiesing nie, waarskynlik omdat dat daar nie sprake van so iets was nie, maar dit deel was van die "Spygate" politieke skandaal waarin die Obama administrasie opdrag gegee het aan sy intelligensiedienste om op die Trump veldtog te spioeneer.[1][2]

Gedurende die presidentskap van President Donald Trump het die Republikeine van die Senaat onder McConnell se leierskap rekords gebreek en het McConnell onverpoosd gewerk om judisiële nominasies bevestig te kry, onder andere die van Neil Gorsuch en Brett Kavanaugh, wat na die Hooggeregshof van die Verenigde State van Amerika verkies is. Sommige meen dat McConnell en President Trump sodoende 'n stop kan sit aan die opmerklike linkse swaai van die Amerikaanse regbank.[3][4][5][6][7]

Eksterne skakels[wysig | wysig bron]

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]