Mkuzerivier
Voorkoms
| Mkuzerivier | |
|---|---|
| Stroomgebied | KwaZulu-Natal, Suid-Afrika |
| Oorsprong | 25 km oos van Vryheid, KwaZulu-Natal |
| Monding | St. Luciameer, KwaZulu-Natal, Suid-Afrika Indiese Oseaan |
| Lengte | 100 km |
| Oorsprong-hoogte | 1 500 m |
| Monding-hoogte | 2 m |
| Stroomgebiedopp. | 5 000 km² |
| Koördinate: 27°52′55.31″S 32°28′56.5″O / 27.8820306°S 32.482361°O | |
Die Mkuzerivier (ook Mkhuzerivier, uMkhuzerivier) is 'n standhoudende rivier wat in die noorde van KwaZulu-Natal in Suid-Afrika vloei.
Hierdie rivier ontspring 25 km oos van Vryheid op 'n hoogte van 1500 m bo seespieël. Dit vloei ooswaarts deur die Amakhosi-natuurreservaat, oor die Mkhuze-waterval, verby die dorp Mkhuze, deur die Lebomboberge en die noordelike dele van die Mkhuzi-natuurreservaat en die iSimangaliso-vleilandpark. Daarna mond dit uit in die St. Luciameer by koördinate 27°52′55.31″S 32°28′56.5″O / 27.8820306°S 32.482361°O.
Net wes van die dorp Mkhuze en by die Mkhuze-waterval is daar besproeiingskanale. Op die oewers word met suikerriet geboer.
