Moeketsi Majoro

in Wikipedia, die vrye ensiklopedie
Moeketsi Majoro
Moeketsi Majoro
Majoro in 2013

6de Eerste Minister van Lesotho
Ampsbekleër
Termynaanvang
20 Mei 2020
Voorafgegaan deur Tom Thabane

Minister van Finansies
Ampstermyn
23 Junie 2017 – 19 May 2020
Eerste minister Tom Thabane
Voorafgegaan deur 'Mamphono Khaketla
Opgevolg deur Thabo Sofonea

Persoonlike besonderhede
Gebore Moeketsi Majoro
3 November 1961 (1961-11-03) (62 jaar oud)
Tsikoane, Basoetoland
Politieke party All Basotho Convention (ABC)
Kind(ers) 2
Alma mater Washington State University
Nasionale Universiteit van Lesotho

Moeketsi Majoro (gebore 3 November 1961) is 'n Mosotho ekonoom en politikus wat sedert Mei 2020 as die premier van Lesotho dien. Hy was voorheen die Minister van Finansies in die kabinet van Tom Thabane van 2017 tot 2020. Sedert die 2017-verkiesing verteenwoordig Majoro die Thetsane-kiesafdeling no. 33 in die Nasionale Vergadering. Hy was voorheen 'n senator en die Minister van Ontwikkelingsbeplanning van 2013 tot 2015. Majoro is 'n lid van die All Basotho Convention (ABC).[1]

Vroeë lewe en opvoeding[wysig | wysig bron]

Moeketsi Majoro is op 3 November 1961 in Tsikoane, Leribe-distrik, in Basoetoland gebore. Hy het 'n BA-graad in ekonomie aan die Nasionale Universiteit van Lesotho behaal en toe beide 'n PhD in natuurhulpbronekonomie en 'n meestersgraad in landbou-ekonomie aan die Washington State University verwerf.[2]

Loopbaan[wysig | wysig bron]

Majoro besig om sy mening te lig in 'n vergadering in September 2013

Majoro was 'n dosent in ekonomie aan die Nasionale Universiteit van Lesotho tussen 1991 en 2000. In 2000 het hy as 'n fiskale ontleder by die ministerie van Finansies aangesluit en het die pos tot in 2004 beklee toe hy tot hoofsekretaris bevorder is. Hy het die Africa Group 1-groepering van die Internasionale Monetêre Fonds (IMF) van 2008 tot 2012 as beide uitvoerende direkteur en alternatiewe uitvoerende direkteur gedien.[2]

In Januarie 2013 is Majoro as minister van ontwikkelingsbeplanning deur premier Tom Thabane aangewys. Hy is vroeër as 'n senator aangestel. Die regering is in die algemene verkiesing van 2015 uitgestem. In die algemene verkiesing van 2017 is hy as LP vir die Thetsane-kiesafdeling no. 33 verkies. Thabane is heraangestel as premier en vir Majoro as die Minister van Finansies aangestel.[2]

In 2020 was Thabane onder druk om te bedank weens sy beweerde betrokkenheid by die moord op sy gewese vrou. Op 22 Maart 2020 het die ABC-groep in die Nasionale Vergadering vir Majoro as sy opvolger verkies met 26 uit 46 stemme.[3]

Premierskap[wysig | wysig bron]

Op 12 Mei 2020 het die koalisievennote van die ABC hulle steun onttrek.[4] Thabane het op 18 Mei sy bedanking aangekondig en die pos die volgende dag ontruim. Majoro is op 20 Mei as die nuwe premier ingehuldig.[5]

Persoonlike lewe[wysig | wysig bron]

Majoro is met 'Masekoalane 'Mamusa Rankhelepe getroud. Die egpaar het twee kinders.[6]

Verwysings[wysig | wysig bron]

  1. Ngatane, Nthakoana (20 Mei 2020). "Out with Thabane, in with Majoro: Lesotho officially has a new PM". EWN. Maseru. Besoek op 13 Julie 2020.
  2. 2,0 2,1 2,2 "The Right Honourable Dr Moeketsi Majoro". Lesotho Regering. Geargiveer vanaf die oorspronklike op 29 November 2019. Besoek op 13 Julie 2020.
  3. (en) "Much needs to be done before I can take over: Majoro". Lesotho Times. 4 April 2020. Besoek op 13 Julie 2020.
  4. Ngatane, Nthakoana (22 Mei 2020). "Lesotho Finance Minister Moeketsi Majoro nominated as new prime minister". EWN. Maseru. Besoek op 13 Julie 2020.
  5. (en) "Lesotho's new Prime Minister Moeketsi Majoro sworn in". SowetanLIVE. 20 Mei 2020. Geargiveer vanaf die oorspronklike op 27 Mei 2020. Besoek op 13 Julie 2020.
  6. "Moeketsi Majoro at a glance". Lesotho Times. 27 Mei 2020. Besoek op 13 Julie 2020.

Eksterne skakels[wysig | wysig bron]