Monarch Airlines

in Wikipedia, die vrye ensiklopedie
Jump to navigation Jump to search
Monarch Airlines
Airbus A320-200 Monarch Airlines GLA.jpg
IATA
ZB
ICAO
MON
Roepsein
MONARCH
Gestig 5 Junie 1967
Eerste vlug 5 April 1968
Lugsertifikaat 365
Bedryfsbasisse *Birmingham
  • East Midlands
  • Leeds/Bradford
  • Londen-Gatwick
  • Londen-Luton
  • Manchester
Lojaliteitsprogram Vantage Club
Vlootgrootte 44
Bestemmings 100+
Hoofkantoor Londen Luton-lughawe
Luton, Verenigde Koninkryk
Sleutelpersone Iain Rawlinson (Voorsitter)
Andrew Swaffield (Best. direkteur)
Webtuiste http://www.monarch.co.uk

Monarch Airlines is 'n Britse lugredery gebaseer op Londen Luton-lughawe,[1] en bedryf geskeduleerde vlugte na bestemmings om die Middellandse See, die Kanariese Eilande, Ciprus, Egipte, Griekeland en Turkye, met bykomende huurvlugdienste na Europa, die Verenigde State van Amerika, die Karibiese Eilande, Indië en Afrika.

Die lugredery word besit deur Globus Travel Group, met sy hoofkantoor by Luton en ook basisse by Birmingham, East Midlands, Leeds/Bradford, Gatwick en Manchester. Monarch is die oudste Britse lugredery wat nie sy oorspronklike naam verander het nie. Dit verskaf werk aan ongeveer 3 000 werknemers.[2]

Monarch Airlines het meer as 6,8 miljoen passasiers in 2013 vervoer, 'n toename van 8% in vergelyking met 2012 en 'n rekord vir die lugredery. Die maatskappy beskik oor 'n "Tipe A" operateurslisensie van die Verenigde Koninkryk Burgerlugvaartowerheid, wat dit magtig om passasiers, vrag en pos op vliegtuie met 20 of meer sitplekke te vervoer.[3]

Vliegtuie[wysig | wysig bron]

Monarch se vloot bestaan ​​uit 30 vliegtuie: 4 Airbus A300, 5 Airbus A320, 16 Airbus A321, 2 Airbus A330 en 3 Boeing 757 vliegtuie.

Monarch het 6 Boeing 787 Dreamliners bestel wat in 2013 afgelewer moes word, maar het daarna hul bestelling gekanselleer.

Voorvalle[wysig | wysig bron]

Monarch Airlines het 2 voorvalle gehad, maar niemand het omgekom nie. Op 22 Mei 2002 het 'n Monarch Boeing 757s se landingstel ingegee omdat die vlieënier die voorwiele te vinnig neergeplaas het tydens die landing op Gibraltar-lughawe.

Op 17 Maart 2006 het die vlugbemanning van 'n Boeing 757-200 sigkontak met die aanloopbaan verloor tydens 'n poging om op die Gibraltar-lughawe te land. Gedurende die daaropvolgende rondomvlug het die vliegtuig byna in die Rots van Gibraltar vasgevlieg. Die vliegtuig is daarna herlei na Malaga om 'n soortgelyke probleem te voorkom.

Verwysings[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.