Monsieur Ibrahim et les fleurs du Coran

in Wikipedia, die vrye ensiklopedie
Jump to navigation Jump to search
Monsieur Ibrahim
Regisseur François Dupeyron
Draaiboek François Dupeyron
Draaiboek en Roman:
Éric-Emmanuel Schmitt
Met Omar Sharif
Pierre Boulanger
Gilbert Melki
Isabelle Renauld
Lola Naymark
Isabelle Adjani
Kinematografie Rémy Chevrin
Redigeerder Dominique Faysse
Verspreider Sony Pictures Classics (VSA)
Uitgereik 17 September 2003
Speeltyd 94 min
Land Frankryk
Taal Frans
Begroting $11,576,431 [1]
IMDb-profiel

Monsieur Ibrahim et les fleurs du Coran (2003, Afrikaans Meneer Ibrahim en die blomme van die Koraan) is op die gelyknamige boek deur die Franse skrywer Éric-Emmanuel Schmitt gebaseer.

Die regisseur François Dupeyron skep met sy film 'n pleidooi vir verdraagsaamheid en 'n inleiding tot die filosofie van die soefisme. Omar Sharif ontvang vir sy rol die toekenning César en die prys vir die beste hoofrolspeler by die filmfees van Venesië.


Pretbederwerswaarskuwing: Die storielyn of storie se einde volg hieronder.


Moïses (genoem Momo, Pierre Boulanger) is 'n jong Joodse seun wat teen die einde van die vyftigerjare in die agterbuurte van die Paryse Bloustraat grootword. Die seun kry hoegenaamd geen liefde van sy depressiewe vader nie, en sy enigste vermaak is om met die prostitute van sy straat te vry. Om dit te kan bekostig, steel hy gereeld iets in die kruidenierswinkel van Meneer Ibrahim (Omar Sharif), 'n Turkse immigrant wat as die "Arabier" bekend staan. Ibrahim duld die diefstalle stilletjies en begin om die seun iets oor die geheime van geluk te leer. Momo leer dinge soos hoe om aan Brigitte Bardot 'n peperduur botteltjie sodawater te verkoop of wat 'n glimlag kan bewerkstellig. Vir Meneer Ibrahim is die Koran 'n bron van geluk en wysheid. Ná die selfmoord van Momo se vader, neem Ibrahim Momo as sy seun aan. Hy koop 'n sportkar en Momo vergesel hom dwarsdeur Europa sodat Meneer Ibrahim nog 'n keer sy Turkse vaderland kan sien.

Eksterne skakels[wysig | wysig bron]

Verwysings[wysig | wysig bron]