Monument De Wet

in Wikipedia, die vrye ensiklopedie
Jump to navigation Jump to search
Monument De Wet
Standbeeld van Christiaan de Wet in 2012
Standbeeld van Christiaan de Wet in 2012
Opdraggewer Helene Kröller-Müller
Kunstenaar Joseph Mendes da Costa
Jaar 1921
Plek De Wetweg
Nasionale Park De Hoge Veluwe
Nederland
Materiaal Belgiese hardsteen
Hoogte 13 m
Breedte 400 cm
Monumentstatus Ja
Toestand Gerestoureer

Die Monument De Wet is 'n standbeeld van Christiaan de Wet. Die standbeeld staan op die Otterlose Zand in die Nasionale Park De Hoge Veluwe in Nederlandse provinsie Gelderland. Die beeld is in 1921 onthul, nadat Helene Kröller-Müller, 'n Nederlandse filantroop, in 1915 opdrag gegee het om die beeld te bou. Die beeld is ontwerp deur Joseph Mendes da Costa.

Geskiedenis[wysig | wysig bron]

Christiaan de Wet was 'n persoonlike vriend van Helene Kröller-Müller en haar man Anton Kröller. Tydens besoeke aan Nederland het De Wet dikwels gekuier op die buiteplaas van die Kröllers. Tydens staptogte op die buiteplaas het Christiaan de Wet gesê dat die vir Nederlandse begrippe a-tipiese landskap hom aan Suid-Afrika laat dink.[1]

In 1915 het Helene Kröller-Müller opdrag gegee aan Mendes da Costa om 'n mëtershoë standbeeld vir Christiaan de Wet te ontwerp. Helene Kröller-Müller wou dit laat plaas op een van die vlaktes wat Christaan de Wet aan Suid-Afrika laat dink het. Die standbeeld van Christiaan de Wet moes uitkyk oor die vlakte in die rigting van Suid-Afrika soos De Wet self tydens veldslae oor die vlaktes moes getuur het. Joseph da Menda Costa het die standbeeld tussen 1915 en 1917 ontwerp en gebou, terwyl die standbeeld in 1921 op sy sokkel geplaas is.[2]

In 1935 het op die buiteplaas Nederland se bekendste nasionale park verreis. Hoewel die kunsversameling van Helene Krüller-Möller in 1935 in hande van die Nederlandse staat gekom het, het die buiteplaas die status van nasionale park gekry. In teenstelling met 'n borsbeeld vir M.T. Steyn (De Raadsman) is die Monument De Wet en die President Steynpark en -bank nie in hande van die Nederlandse staat nie, maar in hande van die Nasionale Park. Tydens die ontwikkeling van die Nasionale Park De Hoge Veluwe is 'n pad aangelê oor die Otterlose Zand. Dié De Wetweg is ook na Christiaan de Wet genoem.

Tydens apartheid, waar verskeie beelde in Nederland en Nederlandse besighede wat in Suid-Afrika handel gedryf het te make gehad het met vandalisme en bomaanslae, is Monument De Wet beskerm met 'n hek.

Omstreeks 2000 is die standbeeld gerestoureer. Sedert enkele jare herdenk 'n groepie elke jaar op 31 Mei die slagoffers van die Tweede Vryheidsoorlog by die standbeeld. Tussen 1903 en 1939 was daar in Nederland 'n nasionale herdenking vir die slagoffers van die Tweede Vryheidsoorlog.

Die standbeeld[wysig | wysig bron]

Die standbeeld staan alleen op 'n oop vlakte en is ongeveer 13 meter hoog. Dit stel Christaan de Wet voor wat op 'n sokkel staan en teen die wind in oor 'n vlakte tuur. Die standbeeld kyk in die rigting (na die suide) van Suid-Afrika. Die sokkel bestaan uit twee dele, 'n voet en sokkel. Op die voet van die sokkel is sestien Boere-generaals en Staatspresidente afgebeeld, waaronder Paul Krüger en M.T. Steyn.

Gallery[wysig | wysig bron]

Die standbeeld self
Die standbeeld self  
Boere-generaals op die sokkel
Boere-generaals op die sokkel  
Die sestien Boere-generaals en Staatspresidente op die sokkel
Die sestien Boere-generaals en Staatspresidente op die sokkel  
Die standbeeld kyk rigting Suid-Afrika
Die standbeeld kyk rigting Suid-Afrika  
Monument met hek tydens apartheid (1976)
Monument met hek tydens apartheid (1976)  
Die Monument De Wet (regs) op die vlakte met die fietspad langs die monument (links).

Sien ook[wysig | wysig bron]

Eksterne skakels[wysig | wysig bron]

Verwysings[wysig | wysig bron]

  1. Christiaan de Wet, VanderKrogt.net, besoek op 16 Oktober 2017.
  2. Standbeeld van generaal Christiaan de Wet, Erfgoed Gelderland, besoek op 16 Oktober 2017.