Mooimeisiesfontein

Mooimeisiesfontein is 'n 89 minuut lange Afrikaanse komedie wat in 1977 vrygestel is.^[1] Die film is deur Elmo de Witt geregisseer met 'n draaiboek deur Pieter Pieterse, vervaardig deur Elmo de Witt Films en versprei deur Mimosa Films/Ster-Kinekor.^[1]

Sinopsis

'n Engelse onderwyseres (Janet du Plessis) aanvaar 'n pos by 'n plattelandse skooltjie op Mooimeisiesfontein, na 'n uitnodiging van die skoolhoof (Hal Orlandini). 'n Komplikasie ontstaan egter wanneer die skoolhoof se seun (Will Roberts), 'n geharde boer, die nuwe juffrou op die trein ontmoet oppad na die dorp. Hy raak onmiddellik smoorverlief en besluit om terug skool toe te gaan om sy matriek te voltooi – net om naby haar te wees. Dit lei tot talle botsings tussen vader en seun, met komiese gevolge.^[1]

Rolverdeling

Die rolverdeling is Hal Orlandini (as die skoolhoof), Will Roberts (as Ouboet), Janet du Plessis (as Marianne), Volenté Bertotti (as Helmien), André Verster, Danie Smuts, Steve du Toit, Annelien Boshoff, Wilhelm Esterhuisen, Deanne de Witt, en Anthony Fridjohns.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]