Motorafdak

'n Motorafdak wat aan die voorkant van die motorhuis opgerig is.

Voorbeeld van 'n moderne, losstaande afdak wat oorsee verkoop word.

'n Motorafdak is 'n bedekte struktuur wat deur 'n huiseienaar gebruik word om beperkte beskerming aan sy voertuig/voertuie te bied teen die elemente. Die struktuur kan óf vrystaande of verbonde wees aan 'n muur. In teenstelling met die meeste strukture het 'n motorafdak nie vier mure nie, maar gewoonlik net een of twee.

Afdakke bied minder beskerming as motorhuise, maar dit laat meer ventilasie toe. In die besonder, verhoed 'n motorafdak dat ryp oornag op die voorruit neerslaan.