Mozzarella

in Wikipedia, die vrye ensiklopedie
Spring na: navigasie, soek
Mozzarellakaas

Mozzarella is 'n suidelike Italiaanse kaas tradisioneel van Italiaanse waterbuffelmelk gemaak volgens die pastafilatametode. Mozzarella het 'n "Tradisionele Spesialiteite Gewaarborg"-sertifisering van die Europese Unie ontvang in 1998. Hierdie beskermingskema vereis dat mozzarella wat in die Europese Unie verkoop word, volgens 'n tradisionele resep berei is. Die TSG sertifisering spesifiseer nie die melkbron nie, daarom kan enige soort melk gebruik word.[1]

In Italië word mozzarella met die melk van Italiaanse waterbuffels gemaak en is 'n belangrike varieteit. Die Italiaanse buffelmozzarella wat as "Mozzarella di Bufala Campana" bemark word, word deur die EU se beskermde oorsprongskema beskerm en mag slegs in uitgesoekte plekke geproduseer word, in die streke van Campania, Lazio, Apulië en Molise.

Vars mozzarella is oor die algemeen wit, maar kan seisoenaal wissel tot liggeel, afhangende van die koei se dieet.[2] Dit is 'n semi-sagte kaas.

As gevolg van sy hoë voginhoud, word dit tradisioneel bedien op die eerste dag nadat dit gemaak is,[3] maar kan vir tot 'n week in pekel gehou word,[4] of langer in vakuumverseëlde pakkies. Lae-vog mozzarella kan vir tot 'n maand onder verkoeling bewaar word,[5] alhoewel sommige gerasperde lae-vog mozzarella bemark word met 'n raklewe van tot ses maande.[6] Verskillende soorte mozzarella word vir die meeste tipes pizza en 'n paar pastageregte gebruik, of bedien saam met skywe tamaties en basiliekruid in Caprese-slaai.

Verwysings[wysig | wysig bron]

  1. "Commission Regulation (EC) No 2527/98". Official Journal of the European Communities (European Commission) 41: L 317/14–18. 26 November 1998.
  2. Lambert, Paula. “Mozzarella Cheese”. Sally's Place. Media Holdings. URL besoek op 1 April 2015.
  3. Kotkin, Carole (October–November 2006). “Burrata mozzarella's creamy cousin makes a fresh impression”. The Wine News Magazine. URL besoek op 1 April 2015.
  4. Staff. “Mozzarella”. Healthnotes. PCC Natural Markets. URL besoek op 1 April 2015.
  5. Correll, John. “Chapter 8 – Cheese”, The Original Encyclopizza: Pizza Ingredient Purchasing and Preparation. Fulfillment Press. ISBN 978-0-9820920-7-1. Besoek op 1 April 2015. 
  6. Staff. “Shreds: Mozzarella, Low Moisture, Part Skim, Shredded, 6 oz.”. Organic Valley. URL besoek op 1 April 2015.
Hierdie artikel is in sy geheel of gedeeltelik vanuit die Engelse Wikipedia vertaal.