Murrayfield-stadion

in Wikipedia, die vrye ensiklopedie
(Aangestuur vanaf Murrayfield-Stadion)
Spring na: navigasie, soek
Murrayfield Stadion
Murrayfield Stadium
Ligging Murrayfield, Edinburg, Skotland
Koördinate 55°56′32″N 3°14′27″W / 55.94222°N 3.24083°W / 55.94222; -3.24083Koördinate: 55°56′32″N 3°14′27″W / 55.94222°N 3.24083°W / 55.94222; -3.24083
Geopen 1925
Renovasie 1995
Eienaar Skotse Rugbyunie
Oppervlak Ondergrondsverhitte gras
Boukoste £50 miljoen (herkonstruksie)
Argitek Connor Milligan
Tuisveld van Skotse Rugbyunie
Edinburgh Rugby (1996-)
Edinburgh Sevens (2007–2011)
Heart of Midlothian (2004–2007)
Scottish Claymores (1995–2002)
Kapasiteit
67 144

Murrayfield Stadion is 'n sportstadion in Edinburg, die hoofstad van Skotland en is die tuiste van die Skotse Rugbyunie. Dit het op 'n stadium die rekord gehou vir die meeste toeskouers by 'n rugbywedstryd met 104 000 wat die wedstryd tussen Skotland en Wallis in 1975 bygewoon het. Tans is die stadion se sitplek-alleen kapasiteit 67 800.

Ligging[wysig | wysig bron]

Murrayfield is geleë in die wes-einde van Edinburg naby Corstorphineweg, reg langsaan die Murrayfieldskaatsbaan en naby die Edinburgdieretuin. Dit is vernoem na die deel van Edinburg waarin dit geleë is, Murrayfield.

Die stadion het goeie vervoerverbindings met busse wat langs Corstorphineweg loop. Die naaste spoorwegstasie is Haymarket wat sowat tien minute se stap daarvandaan geleë is.

Geskiedenis[wysig | wysig bron]

Wedstryd tussen Skotland en Roemenië tydens die Rugbywêreldbeker 2007

Die Skotse Rugbyvoetbalunie het die grond waarop die stadium gebou is gekoop en die eerste Murrayfield Stadion op 21 Maart 1925 ingehuldig. te vore is internasionale wedstryde by Inverleith gehou. Die eerste besoekers was Engeland, wat deur Skotland verslaan is om die nasie se eerste Vyf-Nasies Grand Slam te besorg.

Tydens die Tweede Wêreldoorlog is Murrayfield se grond aan die nasie beskikbaargestel en is dit deur die Royal Army Service Corps oorgeneem wat dit as voorradedepot gebruik het. Gedurende die oorlogsjare het die gewapende magte sportowerhede daarin geslaag om leke jaar Skotland teen Engeland magte internasionale wedstryde te reël op 'n tuis-ene-weg grondslag. Skotland se tuiswedstryde is die eerste twee jaar by Inverleith gespeel voor dit in 1944 na Murrayfield terugverander is. In 1995 is Murrayfield teen 50 miljoen pond opgeknap en is spreiligte vir die eerste keer in die stadion se geskiedenis geïnstalleer.

Tans word Murrayfield meestal vir Skotse internasionale rugbywedstryde gebruik met al Skotland se Ses-Nasies wedstryde wat daar gehou word. Van 2007 af is Murrayfield ook die tuiste van die Edinburg 7's, die finale gebeurtenis in die jaarlikse IRR Sewes Wêreldreek in rugby sewes. Murrayfield word ook vir van die wedstryde in die Rugbywêreldbeker 2007 gebruik. Die stadium is ook al gebruik vir die Heineken beker eindstryd soos wat die geval was in 2004-05 toe Toulouse Stade Français met 18-12 geklop het.

benewens rugby word daar soms sokker op die stadion gespeel en die stadion is deur die nabygeleë sokkerklub Heart of Midlothian F.C. as die tuisveld vir hulle Europese veldtog in die 2006/2007 seisoen gekies aangesien Tynecastle nie aan UEFA kriteria vir Europese sokker voldoen nie. verder het Murrayfield al Amerikaanse voetbal en rugby league wedstryde aangebied. Die stadion het ook al opterdes deur rockkunstenaars soos David Bowie, U2 en die Red Hot Chili Peppers aangebied. In Julie 2005 is die finale Live 8-konsert, Edinburg 50 000 – The Final Push, met optredes deur onder andere James Brown, Texas, The Proclaimers en Travis by Murrayfield gehou.

Alhoewel dit 'n rugbyunionstadion is, het Murrayfield in 2000 en 2002 die rugby league Challenge beker eindstryde aangebied.

Wedstryde[wysig | wysig bron]

Rugbywêreldbeker 2007[wysig | wysig bron]

Hoofartikel: Rugbywêreldbeker 2007.
Datum Span 1 Telling Span 2 Rondte Toeskouers
18 September 2007 Vlag van Skotland Skotland 42–0 Vlag van Roemenië Roemenië Groep C 31 222
23 September 2007 Vlag van Skotland Skotland 0–40 Vlag van Nieu-Seeland Nieu-Seeland Groep C 64 558

Eksterne Skakels[wysig | wysig bron]

Commons-logo.svg
Wikimedia Commons het meer media verwant aan: