Museum van Anatoliese Beskawings

Museum van Anatoliese Beskawings
Die ingang tot die museum.
Ligging	Ankara, Turkye
Plaaslike naam	Anadolu Medeniyetleri Müzesi
Gestig	1921 (1921)
Versameling	194 759
Soort	Argeologiese museum
Stigter	Mustafa Kemal Atatürk
Besoekers
Webtuiste	Anadolu Medeniyetleri Muzesi

Die Mahmut Paşa-gebou voor die restourasie.

Die Museum van Anatoliese Beskawings (Turks: Anadolu Medeniyetleri Müzesi) is 'n argeologiese museum in Ankara, Turkye. Dit bestaan uit die ou Ottomaanse Mahmut Paşa-basaarbergplek en die Kurşunlu Han. Vanweë Atatürk se wens om 'n Hetitiese museum te stig, is die geboue gekoop op aanbeveling van die destydse minister van kultuur. Nadat die restourasie gedoen is (1938-'68), is die deure vir die publiek geopen as die Argeologiese Museum Ankara.

Vandag huisves Kurşunlu Han die werkkamers, biblioteek, konferensiesaal en laboratorium. Die uitstallings is in die ou basaargebou. Hier is verskeie uitstallings van Anatoliese argeologie. Dit begin in die Paleolitiese tydperk en volg 'n chronologiese volgorde deur die Neolitikum, vroeë Bronstydperk, Assiriese handelskolonies, en die Hetitiese, Frigiese, Urartiese, Griekse, Hellenistiese, Romeinse, Bisantynse, Seldjoekse en Ottomaanse tydperk. Daar is ook 'n groot versameling artefakte van verskeie vondsplekke.

Die uitstallings van werk in goud, silwer, glas, marmer en brons dateer van tot die tweede helfte van die 1ste millennium v.C. Die muntveramelings, van die eerste geld wat gemunt is tot die moderne tyd, is een van die museum se kultuurskatte.

Skakels

• Wikimedia Commons het meer media in die kategorie Museum van Anatoliese Beskawings.

• Hierdie artikel is in sy geheel of gedeeltelik uit die Engelse Wikipedia vertaal.