NG gemeente Peacehaven

Ds. J.P.J. Smit, leraar van 1955 tot 1962.

Die gemeente se kerkgebou is op 7 Desember 1957 in gebruik geneem. Die argitek was die Pretoriase argitek Johan de Ridder.

Ds. L.A. Kriek, leraar van 1962 tot 1974.

Die NG gemeente Peacehaven was 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal). Dit is ingelyf by die NG gemeente Drie Riviere-Oos.

Die gemeente is in 1955 afgestig as vierde dogtergemeente van die moedergemeente Vereeniging. Die kerkgebou, wat ontwerp is deur Johan de Ridder en in 1957 ingewy is, is geleë op die hoek van Clarendon- en Kerkstraat, Peacehaven, Vereeniging. In 2013 was die gemeente vakant. Daar was in daardie jaar 39 doop- en 137 belydende lidmate. In 2015 is die dooplidmate aangegee as 11 en die belydende lidmate as 82.

Enkele leraars

• Jacobus Petrus Johannes Smit, 1955 – 1962
• Lorenzo Antonio Kriek, 1962 – 1974 (waarna Pietermaritzburg-Suid)

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.

Eksterne skakels

• Die kerkgebou soos te sien op Google Maps. URL besoek op 10 November 2014.