NG gemeente Verkeerdevlei

in Wikipedia, die vrye ensiklopedie
Jump to navigation Jump to search
Die NG kerk Verkeerdevlei.
Ds. Frederik Johannes Potgieter de Kock is in 1929 in die gemeente bevestig, maar moes in 1931 weens siekte demissie neem. Hy is is op 6 Januarie 1946 oorlede.
Ds. I.W.J. van Rensburg en sy gesin. Hy was van 1925 tot 1928 die gemeente se eerste leraar. Dié foto van hom en sy gesin is geneem terwyl hy leraar was van die NG gemeente Germiston ((1918–'25).
Ds. L.E. du Toit, leraar van 1932 tot 1937.
Ds. Andries van der Merwe, die leraar van 1937 tot 1941.
Ds. F.J. van der Merwe, leraar van 1941 tot 1948.
Ds. C.C. Colyn het in 1948 uit Noord-Rhodesië na Verkeerdevlei gekom.

Die NG gemeente Verkeerdevlei is die derde jongste van die nege gemeentes (2016) in die Vrystaatse Sinode van die NG Kerk se Ring van Winburg. Die sentrum van die gemeente, Verkeerdevlei, lê 39 km suidoos van Brandfort en 55 km suidwes van Winburg. Die gemeente het in 1985 92 doop- en 205 belydende lidmate gehad, wat in 2005 afgeneem het tot 15 en 133. In 2015 was dit onderskeidelik 30 en 119.

Die gemeente is in Januarie 1925 van die gemeentes Brandfort, Bloemfontein, Thaba 'Nchu, Excelsior en Winburg-Rietfontein afgestig. As sentrum is gekies die dorpie wat vier jaar tevore geproklameer is met die ongewone naam, wat egter in twee opsigte histories belangrik is: In die eerste plek het die Voortrekkers die naam "Verkeerde Vleij" self gegee, aldus die dagboek van eerw. Erasmus Smit. Toe hulle destyds van die Blesberg (Thaba Nchu), waar die Barolong-kaptein Moroka hulle vriendelik behandel het, opgetrek het na die huidige Winburg aan die Vetrivier, het hulle vanaf Steynspruit noordwaarts gegaan al langs die oospunt op wat die waters afvoer na die Modderrivier in die weste. Naby die huidige dorpie het hulle die waterskeiding tussen die Modder- en Vetrivier aangetref, en oor die bultjie (omtrent 1 465 m bo seespieël) die waters noord en noordoos sien vloei. Vandaar die ongewone maar gepaste naam Verkeerdevlei. Die amptelik bepaalde trekroete gaan omtrent twee myl noordoos van Verkeerdevlei verby.

Ook om 'n tweede rede is die naam histories. Geleë in die vrugbare landstreek bekend as die "verowerde gebied" (afgeneem van die Basoeto-kaptein Moshoeshoe), was dit meermale die slagveld tussen die Basoeto en die Boere. In die laaste groot Basoeto-oorlog van 1865 is die magte van Moshoeshoe hier beslissend verslaan. En op die Basoeto-monument (in Monumentweg, Bloemfontein, ontwerp deur Richard Wocke) kom die naam "Verkeerdevlei" voor. Om gemelde redes het die Ringskommissie destyds dié historiese naam vir die gemeente verkies.

Die eerste leraar was ds. I.W.J. van Rensburg. In die wordingsjare van die jong gemeente het hy met groot bekwaamheid en vrug gebou — geestelik en letterlik. Die pastorie sowel as die saalkerk, gebou in sy tyd, het nog jare lank uitstekend aan hul doel beantwoord. Die eerste saal van die gemeente is in 1926 deur 'n verwoestende rukwind in puin gelê, terwyl die pastorie byna getref is.

Sy opvolger was ds. F.J.P. de Kock wat ná 'n kort bediening weens siekte demissie moes neem. Prop. L.E. du Toit is bevestig in 1932, en het op bekwame en opofferende wyse die gemeente bygestaan gedurende die vernietigende droogte van 1933. Prop. A. van der Merwe kom hierheen in 1937 en arbei tot 1941; ds. F.J. van der Merwe van Soutpan bedien die gemeente tot Februarue 1948; waarna die volgende leraar, ds. C.C. Colyn, van die NG gemeente Livingstone, Noord-Rhodesië, die beroep hierheen aangeneem het.

Enkele leraars[wysig | wysig bron]

  • Izak Wilhelmus Janse van Rensburg, 1925 – 1928
  • Frederik Johannes Potgieter de Kock, 1929 – 1931 (aanvaar vervroegde emeritaat weens siekte, maar leef nog tot 1946)
  • Lourens Erasmus du Toit, 1932 – 1937
  • Andries van der Merwe, die leraar van 1937 – 1941
  • Frederik Johannes van der Merwe, 1941 – 1948
  • Charl Cilliers Colyn, 1948 – ?

Bronne[wysig | wysig bron]