NZASM-monument

Die NZASM-monument op die stasie van Waterval-Boven herdenk die duisende werkers op die Oosterlijn.

Dit is opgerig op inisiatief van oud-Nederlanders en oud-NZASM-personeel en onthul in Augustus 1934 deur die in Nederland gebore Albert Kuit (1876-1949), skrywer, politikus en op daardie tydstip die spoorwegkommissaris van die Suid-Afrikaanse Spoorweë.

Die gedenkteken op die perron bestaan uit ‘n rots met ‘n gedenkplaat en ‘n stuk tandratspoorlyn.