Naby-infrarooispektroskopie

in Wikipedia, die vrye ensiklopedie
Jump to navigation Jump to search
Die oorgange na die 3de, 4de vlak wat die botone vorm van die oorgang na die 2de vlak

Naby-infrarooispektroskopie (NIR) of (NIRS) is 'n analitiese meettegniek wat lig in die naby-infrarooi-gebied (0,75–1,4 µm) van die elekromagnetiese spektrum gebruik.

Geskiedenis[wysig | wysig bron]

Die eerste pogings om hierdie straling te gebruik om monsters te ondersoek was in die 1960s. Aanvanklik het navorsers geprobeer om dit in transmissie te doen. Dit het egter vereis dat die monster tot 'n fyn poeier gemaal en met 'n stof soos koolstoftetrachloried CCl4 gemeng word wat 'n vergelykbare brekingsindeks vir hierdie golflengtes besit. Sonder hierdie toevoeging is daar te veel verstrooiing.

Die aanwendings was egter hoofsaaklik gerig op monsters uit die landbou, soos sade of meel en CCl4 is giftig en skadelik vir die gesondheid. Daarom het navorsers oorgegaan op die prinsipe van diffuse refleksie. 'n Cary 14-spektrofotometer wat in hierdie tyd baie vir sigbareligspektroskopie gebruik is, is omgebou met vier eenvoudige loodsulfied-detektore met 'n groot oppervlak wat die verstrooide naby-infrarooilig gemeet het. Die instrument het van 1000 tot 2600 nm kon skandeer.

Vog-, proteïen- en vetgehalte van oliesade het afsonderlik in net een meting bepaal kon word en dit het duidelik gemaak dat hierdie tegniek groot aanwendings kon hê.[1]

Kenmerke[wysig | wysig bron]

Die energie van die fotone in hierdie gebied is groter as die energie wat vereis is om die meeste vibrasies van chemiese bindings te veroorsaak. Die vibrasie-energie lê gewoonlik in die mid-infrarooi-gedeelte en is die onderwerp van die infrarooispektroskopie. Absorpsies in die NIR is daarom gewoonlik botone van die IR-vibrasies wat na hoër energietoestand as die 2de vlak voer. Hierdie absorpsies is gewoonlik nie sterk nie. Uitsonderings word gevorm deur 'n stof soos water wat baie waterstofbinding het. Dit veroorsaak dat die O-H-vibrasies uiters anharmonies word en die gevolg hiervan is botone wat strek deur die gehele NIR-gebied tot in die sigbare deel van die spektrum. Vog is dus goed in die NIR te detekteer.

Verwysings[wysig | wysig bron]

  1. History, present status and future prospects for NIRS Karl. H. Norris in:Analytical Applications of Spectroscopy, 1988, The Royal Society of Chemistry, ISBN 0-85186-383-3, bls 3