Nagledam

in Wikipedia, die vrye ensiklopedie
Jump to navigation Jump to search
Nagledam
Die Nagledamwal
Die Nagledamwal
Amptelike naam Nagledam
Ligging naby Durban
Provinsie/Land KwaZulu-Natal, Suid-Afrika
Koördinate 29°35′40″S 30°38′30″O / 29.59444°S 30.64167°O / -29.59444; 30.64167Koördinate: 29°35′40″S 30°38′30″O / 29.59444°S 30.64167°O / -29.59444; 30.64167
Dam op Umgenirivier
Doel Besproeiing en huishoudelik
Eienaar Departement van Waterwese en Bosbou
Soort dam Keerwal
Hoogte van wal 44,3 m
Lengte van wal 393 m
Reservoir Nagledam
Kapasiteit 39 300 000 m³
Opvangsarea 2 545 km²
Damoppervlak 156,13 ha

Die William Nagle-dam in die Umgenirivier verskaf water aan Durban.

Ligging[wysig | wysig bron]

Panorama van die William Nagle-dam
Die tweelaanpad oor die damwal

Die dam lê by die Tafelberg in die Vallei van 'n Duisend Heuwels en op die kruispunt van die lyne 29° 36' suid en 30° 38' oos. Dit is ‘n paar kilometer bo die invloei van die Musunduzirivier, noord van Cato Ridge en 50 km noordwes van Durban.

Dam[wysig | wysig bron]

Die dam is in 1950 gebou deur die munisipaliteit van Durban. Die lengte van die wal is 390 m en dit staan 45 m hoog bo die rivierbedding. As die dam vol is, is die hoefystermeer wat gevorm word 162 ha groot en dit bevat dan ‘n 25 miljoen m³ water. ‘n Geskatte 470 miljoen m³ loop van die opvanggebied van 2 530 km² na die rivier af. Dus is die kapasiteit van die dam besonder laag vergeleke met die hoeveelheid afloopwater. ‘n Pypleiding van 39 km bring die water met tonnels en akwadukte deur die Vallei van die Duisend Heuwels na die watersuiweringswerke. Ongeveer ‘n 230 miljoen liter water word daagliks aan Durban gelewer.

Slik[wysig | wysig bron]

Weens die besondere ligging van die dam in ‘n draai in die rivier sowel as die unieke ontwerp van die damwal word verhoed dat vloedwater met te veel slik die dam bereik. Dus is die water redelik helder en word verwag dat die dam lank gebruik kan word. Ook die goeie plantegroeibedekking van die opvanggebied dra hiertoe by.

Ontspanning[wysig | wysig bron]

Die dam en die terrein daaromheen is ‘n natuurreservaat. Watersport, roei, visvang en kampeer word toegelaat.

Verstedeliking[wysig | wysig bron]

Sedert die Tweede Wêreldoorlog het Durban baie ontwikkel en veral die fabrieke benodig baie water. Hierdie nywerheidsontwikkeling en die gepaardgaande bevolkingsgroei het voortgesit. Daar was nog meer water nodig as wat die Nagledam kon lewer. Daarom is die Midmardam gebou.

Bibliografie[wysig | wysig bron]