Nasionale Kunstefees

in Wikipedia, die vrye ensiklopedie
Nasionale Kunstefees

Plek(ke) Grahamstad, Suid-Adrika
Jare aktief 35
Gevestig 13 Julie 1973
Datum(s) Junie/Julie jaarliks
Genre Kunstefees
Bywoning 50 000-120 000
Donateur(s) Standard Bank, SAUK, Nasionale Lotery, Oos-Kaapse Regering
Webtuiste Feesblad

Die Nasionale Kunstefees (soms ook bekend as Grahamstadfees) is een van die grootste kunstefeeste in die wêreld naas die Edinburghfees in Skotland. Dit vind jaarliks plaas in Grahamstad, 'n ou 1820-Setlaardorp in die Oos-Kaap en tuiste van die Rhodes-universiteit, en strek oor 'n periode van byna twee weke tussen Junie en Julie.

Die Nasionale Kunstefees het as 'n projek van die Grahamstad-stigting in 1974 begin en ontwikkel tot die leidinggewende kunstefees op die Afrika-kontinent. Die fees word jaarliks bygewoon deur nagenoeg 50 000-120 000 feesgangers.

Die fees sluit dramas, danse, operas, musiek, visuele kunste, lesings en toere in. Daar is ook uitstallings, markte en kulturele aktiwiteite. Baie teatermaatskappye premiere vertonings tydens die fees waarna dit landwyd op toer gaan. Die Nasionale Jeug Jazz Fees en die Standard Bank Jong Kunstenaarstoekennings, wat in 2009 'n bestaansherdenking van 25-jaar gevier het, vind ook plaas tydens die fees. Die hoof en kleiner programme ontvang befondsing van Standard Bank, die SAUK, die Nasionale Lotery, die Oos-Kaapse Regering en die Nasionale Kunsteraad.

The Long Table is 'n gewilde saamkomplek vir beide gehoor en kunstenaars, en bedien kos en drinkgoed tot laat met lewendige musiekuitvoerings. Ander plekke sluit die Beer Garden en die Village Green Fair in. Die grootste fasiliteit is die 1820-Setlaars Nasionale Monument, geopen op 13 Julie 1974 en gebou ter nagedagtenis aan die bydrae van die Britse 1820-Setlaars.

Die voorsitter van die Feesraad, Ayanda Mjekula, het die voormalige radiopersoonlikheid Tony Lankester aangewys as die nuwe hoof- uitvoerende beampte.

Ander Suid-Afrikaanse feeste[wysig | wysig bron]

Eksterne skakels[wysig | wysig bron]