Kloofpadda

in Wikipedia, die vrye ensiklopedie
(Aangestuur vanaf Natalobatrachus bonebergi)
Jump to navigation Jump to search

Kloofpadda
Natalobatrachus bonebergi02.jpg
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Natalobatrachus

Methuen & Hewitt, 1912
Spesie:
N. bonebergi
Binomiale naam
Natalobatrachus bonebergi
Methuen & Hewitt, 1912

Die kloofpadda[1] (Natalobatrachus bonebergi) is 'n paddaspesie in die Petropedetidae-familie. Dit is die enigste spesie in die genus Natalobatrachus en is endemies aan Suid-Afrika.

Die spesie is die eerste keer in 1912 deur Hewitt & Methuen wetenskaplik beskryf. Later is die wetenskaplike naam Phrynobatrachus bonebergi gebruik.

Dit is 'n klein tot mediumgroot padda. Wyfies word tot 37 mm en mannetjies tot 25 mm lank.[2]

Verspreiding en habitat[wysig | wysig bron]

Die kloofpadda se habitat is beperk tot die suidooste van Suid-Afrika, van die Dwesa-natuurreservaat in die Oos-Kaap tot by die suidelike en sentrale KwaZulu-Natal.[2] Natalobatrachus bonebergi word slegs onder 900 m bo die seevlak aangetref. Die habitat van die padda bestaan uit kusbosse en galerybos: meestal bosstroke langs riviere.

Voortplanting[wysig | wysig bron]

Paring vind plaas in stroompies en die eiers word in eierpakkies aan planttakke bo die water gehang; dit lyk soos skuimbolle. Hierna val die uitgebroeide paddavissies af in die water en ontwikkel daar verder tot klein paddatjies.

Bedreig[wysig | wysig bron]

Natalobatrachus bonebergi is 'n seldsame en bedreigde spesie.[3] Die agteruitgang van sy voortplantingswater en die besoedeling van sy habitat het 'n negatiewe impak op sy voortbestaan. Daarbenewens het groot dele van sy verspreidingsgebied plek gemaak vir suikerrietplantasies, bosbou en ander vorme van akkerbou. Die kloofpadda kan egter nie in oop gebiede oorleef nie; hy het klam plekke rondom riviere of die kus nodig.

Bronne[wysig | wysig bron]

  1. Marais, J. Checklist: Southern African Frogs
  2. 2,0 2,1 Amphibia Web. "Natalobatrachus bonebergi".
  3. Minter, L., Channing, A. & Harrison, J. "2006 IUCN Rooilys van Bedreigde spesies Natalobatrachus bonebergi". Besoek op 20 Januarie 2014.AS1-onderhoud: Gebruik authors-parameter (link)