Necrolestes

in Wikipedia, die vrye ensiklopedie
Jump to navigation Jump to search

Necrolestes
Tydperk: 18–16 m. jaar gelede
Necrolestes patagonensis.jpg
Wetenskaplike klassifikasie
Koninkryk:
Filum:
Klas:
Superorde:
Dryolestoidea (?)
Orde:
Meridiolestida
Binomiale naam
Necrolestes patagonensis
Ameghino 1891

Necrolestes patagonensis (Ameghino) is 'n fossiele soogdierspesie uit Patagonië (Argentinië) wat die eerste keer in 1891 beskryf is. Dit kom uit die vroeë Mioseen van 16 miljoen jaar gelede.[1]

Beskrywing[wysig | wysig bron]

Die skedel toon 'n wipneus, en hy het sterk voorpote en kort, breë beendere, wat ooreenkom met 'n dier wat graaf. Necrolestes het waarskynlik wurms en insekte gevreet soos molle vandag doen. Die diertjie lyk soos Afrika se gouemol of die buidelmolle wat vandag in Australië aangetref word.[2] Necrolestes het nes die gouemol 'n 'derde been' in sy voorpoot. Dis eintlik 'n sening wat verkalk is. Necrolestes en die gouemol is nogtans nie nouverwant nie en dit is dalk 'n voorbeeld van konvergente evolusie omdat altwee dieselfde grawende lewenswyse het. Necrolestes was taamlik klein en het sowat 'n gewig van 80-120 g gehad, die skedel was 2 cm en kop-liggaam ongeveer 15 cm lank.[3]

Taksonomie[wysig | wysig bron]

Daar is lank getwyfel of hulle plasentale soogdiere of buideldiere is. Rougier et al. toon nogtans dat hulle geen tribosfeniese Theria is nie. Hulle is -soos die eendbekdier vandag- nog buideldiere nog plasentale soogdiere. Necrolestes se skedel het ooreenkomste met Cronopio dentiacus s'n. Hulle het altwee kiestande wat net een wortel het, wat uitsonderlik is vir 'n soogdier.[4] Cronopio is nogtans uit die Paleoseen, wat Necrolestes 'n 'lasarus-spesie' maak. Necrolestes wat 45 miljoen jaar later geleef het as Cronopio word beskou as die laaste oorlewendes van 'n tak van die soogdiere wat Meridiolestida genoem word en in die Kryt en die Paleoseen 'n belangrike onderdeel van Suid-Amerika se dierewêreld gewees het. Die Meridiolestida word dikwels as onderdeel van die Dryolestoidea beskou, maar Rougier dink dat hulle effens nouer aan die Theria verwant is. 'n Vereenvoudigde kladogram sien so uit:[1]

Mammalia

Monotremata (eendbekdier ens.)




Dryolestoidea




Meridiolestida → Necrolestes




Metatheria (buideldiere)



Eutheria (hoër soogdiere)






Galery[wysig | wysig bron]

Verwysings[wysig | wysig bron]

  1. 1,0 1,1 The Miocene mammal Necrolestes demonstrates the survival of a Mesozoic nontherian lineage into the late Cenozoic of South America Guillermo W. Rougier, John R. Wible, Robin M. D. Beck, Sebastian Apesteguía Proc Natl Acad Sci U S A. 2012 Dec 4; 109(49): 20053–20058..
  2. Daar is selfs gedink dat die Australiese buidelmolle self lewende Meridiolestida is, maar dit is nie ná peer review verskyn nie en taamlik omstrede.
  3. Horned Armadillos and Rafting Monkeys: The Fascinating Fossil Mammals of South America Darin A. Croft, beelde: Velizar Simeonovski, Indiana University Press, 2016, ISBN 0-253-02094-8, ISBN 978-0-253-02094-9, bls 123
  4. Evolution institute.

Eksterne skakels[wysig | wysig bron]