Gaan na inhoud

Nieu-Seelandse nasionale vrouekrieketspan

in Wikipedia, die vrye ensiklopedie
Nieu-Seeland
Kenteken van die Nieu-Seelandse nasionale vrouekrieketspan
BynaamWhite Ferns
KonferensieNieu-Seeland Krieket (NZC)
Personeel
KapteinSuzie Bates
AfrigterVlag van Australië Ben Sawyer
Geskiedenis
Toetsstatus verkry1935
Internasionale Krieketraad (IKR)
IKR-statusVolle lid (1926)
IKR-streekOos-Asië-Oseanië
IKR-ranglys Tans[1] Beste rang tot dusver
EDI5de2de
T20I4de3de
Toetswedstryde (Toetse)
Eerste toetst Vlag van Engeland Engeland op Lancasterpark, Christchurch; 16–18 Februarie 1935
Laaste toetst Vlag van Engeland Engeland op North Marine Road Ground, Scarborough; 21–24 Augustus 2004
Toetse Gespeel Gewen/Verloor
Algeheel[2]452/10 (4,44%)
(0 gelykop, 33 onbeslis)
Vanjaar[3]00/0 (0 gelykop, 0 onbeslis)
Vroue-
kampioenskappe		3/3 (eerste in 2014–16)
Beste uitslagDerde plek (in 2014–16)
Internasionale eendagwedstryde (EDIs)
Eerste EDIt Vlag van Trinidad en Tobago Trinidad en Tobago op Clarence Park, St Albans; 23 Junie 1973
Laaste EDIt Vlag van Engeland Engeland op ACA-VDCA-krieketstadion, Visakhapatnam; 26 Oktober 2025
EDIs Gespeel Gewen/Verloor
Algeheel[4]400191/195 (49,10%)
(3 gelykop, 11 onbeslis)
Vanjaar[5]103/4
(0 gelykop, 3 onbeslis)
Vrouekrieketwêreldbeker-verskynings13/13 (eerste in 1973)
Beste uitslagKampioen (in 2000)
Twintig20-internasionale wedstryde (T20Is)
Eerste T20It Vlag van Engeland Engeland op County-krieketveld, Hove; 5 Augustus 2004
Laaste T20It Vlag van Australië Australië op Westpacstadion, Wellington; 26 Maart 2025
T20Is Gespeel Gewen/Verloor
Algeheel[6]188100/81 (54,34%)
(3 gelykop, 4 onbeslis)
Vanjaar[7]61/4
(0 gelykop, 1 onbeslis)
T20I-vrouewêreldbeker-verskynings9/9 (eerste in 2009)
Beste uitslagKampioen (in 2024)
Toetsklere
EDI-klere
T20I-klere

Die Nieu-Seelandse nasionale vrouekrieketspan (Engels: New Zealand women’s national cricket team, afgekort New Zealand Women of New Zealand W), met die bynaam White Ferns, is die nasionale vrouekrieketspan wat Nieu-Seeland in toets- en kitskrieket verteenwoordig. Dit word beheer en geadministreer deur Nieu-Seeland Krieket (NZC, van Engels: New Zealand Cricket) en is ’n volle lid van die Internasionale Krieketraad (IKR) met toets-, EDI- en T20I-status.

Ná Australië en Engeland is Nieu-Seeland die derde oudste vrouekrieketspan in internasionale krieket en het in 1935 in sy eerste toetswedstryd teen Engeland gespeel. Nieu-Seeland se beste prestasies tot dusver is een titel elk tydens vrouekrieketwêreldbeker- (in 2000) en T20I-vrouewêreldbekertoernooie (in 2024). Nieu-Seeland is tans (Oktober 2025) vyfde op die IKR-vroue-eendagranglys en vierde op die Twintig20-vrouewêreldranglys.[8][9] Een voormalige Nieu-Seelandse speler is in die Internasionale Krieketraad se Heldesaal opgeneem.

Beheerliggaam

[wysig | wysig bron]
Die hoofartikel vir hierdie afdeling is: Nieu-Seeland Krieket.

Die beheerliggaam van krieket in Nieu-Seeland, Nieu-Seeland Krieket (NZC, New Zealand Cricket), is op 27 Desember 1894 as die Nieu-Seeland Krieketraad gestig (NZCC, New Zealand Cricket Council) en is die toesighouer van die Nieu-Seelandse nasionale krieketspanne.[10] Sedert 31 Mei 1926 is Nieu-Seeland ’n volle lid van die Internasionale Krieketraad (IKR) en mag dus toetskrieket speel.[11]

Nieu-Seeland Krieket bestuur al die Nieu-Seeland-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reël van internasionale wedstryde tuis. Daarbenewens is Nieu-Seeland Krieket verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Nieu-Seelandse span.

Kinders en jongmense word reeds op skool aan krieket bekend gestel en na gelang van hul belangstelling en talent begin hulle met hul afrigting. Net soos ander krieketlande beskik Nieu-Seeland oor ’n o/19-nasionale span wat aan die o/19-vrouekrieketwêreldbeker deelneem.[12]

Geskiedenis

[wysig | wysig bron]

Oorsprong

[wysig | wysig bron]
Die Nieu-Seelandse nasionale vrouekrieketspan tydens hul 1954-toer na Engeland

Die eerste gedokumenteerde vrouekrieketwedstryd in Nieu-Seeland het in 1886 in Nelson plaasgevind. Daarna is talle klubs gestig, waardeur die sport vir vroue ná die Eerste Wêreldoorlog in die land gevestig het. Die eerste provinsiale beheerliggame is ná 1928 gestig en nadat in 1933 die Engelse span aangebied het om tydens hul 1934/35-toer na Australië ook Nieu-Seeland te besoek, het die sport se ontwikkeling ’n groot hupstoot gekry.[13] Gevolglik is die Nieu-Seelandse Vrouekrieketraad (New Zealand Women’s Cricket Council) gestig wat die land se vrouekrieket gereël en ’n nasionale span benoem het wat as die derde span internasionale wedstryde gespeel het. Die nasionale span se eerste ontmoeting met Engeland het in ’n swak nederlaag geëindig.[14]

Eers ná die Tweede Wêreldoorlog is die volgende wedstryd gereël. Tydens die 1947/48-seisoen het Australië vir ’n toetswedstryd Nieu-Seeland besoek en die Nieu-Seelanders het weereens ’n swak nederlaag gely.[15] Oor die volgende jare heen het Nieu-Seeland talle toetsreekse teen beide Australië en Engeland gespeel, maar dit het tot in 1971/72 geneem, voordat hulle hul eerste toetswedstryd tydens hul toer na Australië kon wen.[16] Gedurende dieselfde seisoen het hulle ook hul eerste toetsreeks in Suid-Afrika gespeel wat hulle ná ’n oorwinning beklink het.[17] Dit was die Nieu-Seelandse span se laaste toetsoorwinning tot op hede.

Eerste krieketwêreldbekertitel

[wysig | wysig bron]

Onder haar kaptein Trish McKelvey, wat dié pos van 1966 af beklee het, het die Nieu-Seelanders tydens die Vrouekrieketwêreldbeker 1973 in hul eerste EDI gespeel en kon dié toernooi ná Australië en Engeland in die derde plek afsluit. Tydens die daaropvolgende vrouekrieketwêreldbekertoernooie (in 1978, 1982 en 1988) het hulle dieselfde prestasie behaal. Sedert 1984/85 ding hulle met Australië mee om die Rose Bowl, ’n jaarlikse EDI-reeks wat afwisselend in albei lande beslis word. Tydens die Vrouekrieketwêreldbeker 1993 het die span vir die eerste keer die eindstryd gehaal, maar teen Engeland vasgeval.[18] In die 1994/95-seisoen het die Nieu-Seelanders in hul eerste reeks teen Indië te staan gekom, in 1996 teen Ierland en in 1996/97 teen Pakistan. Tydens die Vrouekrieketwêreldbeker 1997 het die span in die halfeindstryd Engeland geklop, maar die keer die eindstryd teen Australië verloor.[19][20] Daarna het Emily Drumm as kaptein oorgeneem en die span het in hierdie tydperk talle reekse beklink. Tydens die Vrouekrieketwêreldbeker 2000 het hulle in die eindstryd teen Australië geseëvier en hul eerste titel ingepalm.[21]

Eerste T20I-vrouewêreldbekertitel

[wysig | wysig bron]
Nieu-Seeland teen Sri Lanka tydens die T20I-vrouewêreldbeker 2020

In die daaropvolgende jare het die span enkele reekse teen Ierland en Nederland gewen. Tydens die Vrouekrieketwêreldbeker 2005 het die Nieu-Seelanders egter in die halfeindstryd teen Indië vasgeval. Hulle het dié opponent tydens hul tuisreeks in die 2005/06-seisoen geklop, maar dit was saam met hul oorwinning oor Engeland gedurende somer 2007 hul enigste prestasie tot die Vrouekrieketwêreldbeker 2009, waar hulle die eindstryd gehaal het, maar deur Engeland verslaan is.[22] Ná die invoering van T20I-krieket het die span tydens die eerste twee T20I-vrouewêreldbekertoernooie in 2009 en 2010 die eindstryd gehaal. Daarna het die Nieu-Seelanders tydens belangrike toernooie egter gesukkel. In 2012 en 2016 het hulle tydens die T20I-vrouewêreldbekertoernooie die halfeindrondte gehaal, maar tydens beide die vrouekrieketwêreldbekertoernooie in 2017 en 2022 en die T20I-vrouewêreldbekertoernooie in 2020 en 2023 is hulle in die groepfase uitgeskakel. Ná hierdie teleurstellings het Nieu-Seeland tydens die T20I-vrouewêreldbeker 2024 in die Verenigde Arabiese Emirate onder haar kaptein Sophie Devine die eindstryd teen Suid-Afrika gewen.[23] Die Vrouekrieketwêreldbeker 2025 het egter teleurstellend verloop en die Nieu-Seelanders is in die groepfase uitgeskakel.

Bynaam

[wysig | wysig bron]

Die Nieu-Seelandse vrouekrieketspan se bynaam is White Ferns. Dit is een van talle byname vir Nieu-Seelandse nasionale spanne wat verband hou met die All Blacks.[24]

Spelers

[wysig | wysig bron]

Bekende spelers

[wysig | wysig bron]
Debbie Hockley (2021)

Een voormalige Nieu-Seelandse speler is vir haar uitstekende prestasie in die Internasionale Krieketraad se Heldesaal opgeneem:[25]

Speler Posisie Inskrywing
Debbie Hockley Veelsydig 2013

Spelerstatistieke

[wysig | wysig bron]

Daar het altesaam 125 spelers toets-, 151 spelers EDI- en 73 spelers T20I-wedstryde vir Nieu-Seeland gespeel. Vervolgens die spelers wat vir die Nieu-Seelandse span die meeste lopies aangeteken en die meeste paaltjies geneem het.

Lopies

[wysig | wysig bron]
Toets EDI T20I
Speler Tydperk Toetse Lopies Speler Tydperk EDIs Lopies Speler Tydperk T20Is Lopies
Debbie Hockley 1979–1996 19 1 301 Suzie Bates 2006–hede 178 5 936 Suzie Bates 2007–hede 177 4 716
Judi Doull 1966–1975 11 0779 Amy Satterthwaite 2007–2022 145 4 639 Sophie Devine 2006–hede 146 3 431
Trish McKelvey 1966–1979 15 0699 Sophie Devine 2006–2025 159 4 279 Amy Satterthwaite 2007–2021 111 1 784
Jackie Clark 1984–1992 11 0482 Debbie Hockley 1982–2000 118 4 064 Amelia Kerr 2016–hede 088 1 453
Kirsty Bond 1995–1996 06 0473 Haidee Tiffen 1999–2009 117 2 919 Maddy Green 2012–hede 112 1 193
Korrek teen: 27 Oktober 2025[26] Korrek teen: 27 Oktober 2025[27] Korrek teen: 27 Oktober 2025[28]

Paaltjies

[wysig | wysig bron]
Toets EDI T20I
Speler Tydperk Toetse Paaltjies Speler Tydperk EDIs Paaltjies Speler Tydperk T20Is Paaltjies
Jackie Lord 1966–1979 15 55 Lea Tahuhu 2011–hede 103 125 Sophie Devine 2006–hede 146 119
Jill Saulbrey 1966–1975 11 35 Sophie Devine 2006–2025 159 111 Amelia Kerr 2016–hede 088 095
Pat Carrick 1969–1977 07 21 Amelia Kerr 2016–hede 084 106 Lea Tahuhu 2011–hede 098 095
Joc Burley 1966–1969 06 21 Aimee Watkins 2002–2011 103 092 Leigh Kasperek 2015–2024 052 081
Jean Coulston 1954–1957 05 19 Nicola Browne 2002–2014 125 088 Suzie Bates 2007–hede 177 060
Korrek teen: 27 Oktober 2025[29] Korrek teen: 27 Oktober 2025[30] Korrek teen: 27 Oktober 2025[31]

Spankapteins

[wysig | wysig bron]

Tot op hede was nege spelers reeds die kaptein vir Nieu-Seeland tydens ’n toetswedstryd, 16 tydens ’n EDI en sewe tydens ’n T20I.[32]

Toets[33] EDI[34] T20I[35]
No. Naam Tydperk Naam Tydperk Naam Tydperk
1 Ruth Symons 1935 Bev Brentnall 1973 Maia Lewis 2004
2 Ina Lamason 1948–1949 Trish McKelvey 1977–1982 Haidee Tiffen 2006–2009
3 Rona McKenzie 1954–1961 Debbie Hockley 1984–1999 Aimee Watkins 2009–2011
4 Trish McKelvey 1966–1979 Ingrid Jagersma 1985 Suzie Bates 2012–hede
5 Debbie Hockley 1984–1985 Lesley Murdoch 1986–1990 Sophie Devine 2014–2024
6 Lesley Murdoch 1990 Karen Plummer 1992 Amy Satterthwaite 2018–2021
7 Karen Plummer 1992 Sarah Illingworth 1993–1996 Amelia Kerr 2023–2024
8 Sarah Illingworth 1995–1996 Maia Lewis 1997–2005
9 Maia Lewis 2003–2004 Emily Drumm 2000–2003
10 Catherine Campbell 2000
11 Haidee Tiffen 2004–2009
12 Aimee Watkins 2008–2011
13 Amy Satterthwaite 2010–2022
14 Suzie Bates 2011–hede
15 Sophie Devine 2020–2025
16 Amelia Kerr 2024

Rekords

[wysig | wysig bron]

Toetsrekord teen ander lande

[wysig | wysig bron]
Teenstander Gespeel Gewen Verloor Gelykop Onbeslis % Gewen Eerste oorwinning
Vlag van Australië Australië 13 1 4 0 8 7,69 8 Februarie 1972
Vlag van Engeland Engeland 23 0 6 0 17 0,00 –
Vlag van Indië Indië 6 0 0 0 6 0,00 –
Vlag van Suid-Afrika Suid-Afrika 3 1 0 0 2 33,33 13 Maart 1972
Algeheel 45 2 10 0 33 4,44 8 Februarie 1972
Rekords volledig tot en met toets #151 op 30 Januarie – 1 Februarie 2025. Laaste keer hersien op 27 Oktober 2025.[36]

EDI-rekord teen ander lande

[wysig | wysig bron]
Teenstander Wedstryde Gewen Verloor Gelykop Onbeslis % Gewen Eerste oorwinning
t. Volle lede
Vlag van Australië Australië 136 31 103 0 2 22,79 8 Februarie 1985
Vlag van Bangladesj Bangladesj 5 3 0 0 2 60,00 7 Maart 2022
Vlag van Engeland Engeland 86 37 47 1 1 43,02 14 Julie 1973
Vlag van Ierland Ierland 20 18 0 0 2 90,00 29 November 1988
Vlag van Indië Indië 58 34 23 1 0 58,62 5 Januarie 1978
Vlag van Pakistan Pakistan 18 15 1 1 1 83,33 28 Januarie 1997
Vlag van Sri Lanka Sri Lanka 17 13 2 0 2 76,47 13 Desember 1997
Vlag van Suid-Afrika Suid-Afrika 21 12 9 0 0 57,14 13 Februarie 1999
Vlag van Wes-Indië Wes-Indië 23 13 9 0 1 56,52 26 Julie 1993
t. Assosiaatlede
Vlag van Denemarke Denemarke 1 1 0 0 0 100,00 24 Julie 1993
Internasionale XI 4 3 1 0 0 75,00 12 Januarie 1982
Vlag van Engeland Jong Engeland 1 1 0 0 0 100,00 21 Julie 1973
Vlag van Nederland Nederland 9 9 0 0 0 100,00 8 Augustus 1984
Vlag van Trinidad en Tobago Trinidad en Tobago 1 1 0 0 0 100,00 23 Junie 1973
Algeheel 400 191 195 3 11 49,10 23 Junie 1973
Rekords volledig tot en met EDI #1516 op 26 Oktober 2025. Laaste keer hersien op 29 Julie 2025. Wenpersentasies sluit onbesliste wedstryde uit en tel gelykop as ’n halwe oorwinning.[37]

Vrouekrieketwêreldbekerrekord

[wysig | wysig bron]
Jaar Uitslag
1973 Derde plek
1978 Derde plek
1982 Derde plek
1988 Derde plek
1993 Naaswenner
1997 Naaswenner
2000 Kampioen
2005 Halfeindrondte
2009 Naaswenner
2013 Vierde plek
2017 Groepfase
2022 Groepfase
2025 Groepfase
2029 N.v.t.

T20I-rekord teen ander lande

[wysig | wysig bron]
Teenstander Wedstryde Gewen Verloor Gelykop Onbeslis % Gewen Eerste oorwinning
t. Volle lede
Vlag van Australië Australië 55 21 32 1 1 38,18 6 Maart 2008
Vlag van Bangladesj Bangladesj 5 5 0 0 0 100,00 29 Februarie 2020
Vlag van Engeland Engeland 40 8 32 0 0 20,00 5 Augustus 2004
Vlag van Ierland Ierland 4 4 0 0 0 100,00 25 Maart 2014
Vlag van Indië Indië 14 10 4 0 0 71,42 18 Junie 2009
Vlag van Pakistan Pakistan 12 10 2 0 0 83,33 10 Mei 2010
Vlag van Sri Lanka Sri Lanka 17 14 2 0 1 82,35 8 Mei 2010
Vlag van Suid-Afrika Suid-Afrika 17 12 4 0 1 70,58 10 Augustus 2007
Vlag van Wes-Indië Wes-Indië 24 16 5 2 1 66,67 13 Junie 2009
Algeheel 188 100 81 3 4 54,34 5 Augustus 2004
Rekords volledig tot en met T20I #2545 op 26 Oktober 2025. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit onbesliste wedstryde uit en gelykop as ’n halwe oorwinning (ongeag die valbyl).[38]

T20I-vrouewêreldbekerrekord

[wysig | wysig bron]
Jaar Uitslag
2009 Naaswenner
2010 Naaswenner
2012 Halfeindrondte
2014 Groepfase
2016 Halfeindrondte
2018 Groepfase
2020 Groepfase
2023 Groepfase
2024 Kampioen
2026 gekwalifiseer
2028 N.v.t.

Statebondspele

[wysig | wysig bron]
Jaar Uitslag
2024 Bronsmedalje

Sien ook

[wysig | wysig bron]
Krieketportaal

Verwysings

[wysig | wysig bron]
  1. ↑ (en) "ICC Rankings". Internasionale Krieketraad.
  2. ↑ (en) "Women Test matches – Team records". ESPNcricinfo.
  3. ↑ (en) "Women Test matches – 2025 Team records". ESPNcricinfo.
  4. ↑ (en) "Women ODI matches – Team records". ESPNcricinfo.
  5. ↑ (en) "Women ODI matches – 2025 Team records". ESPNcricinfo.
  6. ↑ (en) "Women T20I matches – Team records". ESPNcricinfo.
  7. ↑ (en) "Women T20I matches – 2025 Team records". ESPNcricinfo.
  8. ↑ (en) "Women's ODI Team Rankings". Internasionale Krieketraad. 26 Oktober 2025. Besoek op 27 Oktober 2025.
  9. ↑ (en) "Women's T20I Team Rankings". Internasionale Krieketraad. 26 Oktober 2025. Besoek op 27 Oktober 2025.
  10. ↑ (en) "Cricket Conference: Formation of a New Zealand Council". Press. 28 Desember 1894. p. 3. Besoek op 27 Oktober 2025.
  11. ↑ (en) "New Zealand Cricket". Internasionale Krieketraad. Besoek op 27 Oktober 2025.
  12. ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 27 Oktober 2025.
  13. ↑ (en) Prue Hyman. "New Zealand Women's Cricket Council 1933–1992". New Zealand History. Besoek op 7 April 2022.
  14. ↑ (en) Jenny Thompson (19 Januarie 2008). "No smoking, drinking, gambling … or men". ESPNcricinfo. Besoek op 7 April 2022.
  15. ↑ (en) "Only Test, Wellington, Mar 20 – 23 1948, Australia Women tour of New Zealand". ESPNcricinfo. Besoek op 7 April 2022.
  16. ↑ (en) "Only Test, Melbourne, February 05 – 08, 1972, New Zealand Women tour of Australia". ESPNcricinfo. Besoek op 7 April 2022.
  17. ↑ (en) "3rd Test, Johannesburg, March 24 – 27, 1972, New Zealand Women tour of South Africa". ESPNcricinfo. Besoek op 7 April 2022.
  18. ↑ (en) Martin Williamson (20 Maart 2009). "When women took over Lord's". ESPNcricinfo. Besoek op 7 April 2022.
  19. ↑ (en) "2nd SF, Chennai, December 26, 1997, Hero Honda Women's World Cup". ESPNcricinfo. Besoek op 7 April 2022.
  20. ↑ (en) "Final, Kolkata, December 29, 1997, Hero Honda Women's World Cup". ESPNcricinfo. Besoek op 7 April 2022.
  21. ↑ (en) "Winning the cup, losing a cap". ESPNcricinfo. 13 Maart 2009. Besoek op 7 April 2022.
  22. ↑ (en) Jenny Roesler (22 Maart 2009). "England lift World Cup after late dram". ESPNcricinfo. Besoek op 7 April 2022.
  23. ↑ (en) Shashank Kishore (20 Oktober 2024). "Kerr, Halliday deliver World Cup glory on dream day for NZ cricket". ESPNcricinfo. Besoek op 10 Oktober 2024.
  24. ↑ (en) "New Zealand People". New Zealand. Besoek op 27 Oktober 2025.
  25. ↑ (en) "ICC Hall of Famers". Internasionale Krieketraad. Besoek op 27 Oktober 2025.
  26. ↑ (en) "Records / New Zealand Women / Women's Test Matches / Most Runs". ESPNcricinfo. Besoek op 27 Oktober 2025.
  27. ↑ (en) "Records / New Zealand Women / Women's One-Day Internationals / Most Runs". ESPNcricinfo. Besoek op 27 Oktober 2025.
  28. ↑ (en) "Records / New Zealand Women / Women's Twenty20 Internationals / Most Runs". ESPNcricinfo. Besoek op 27 Oktober 2025.
  29. ↑ (en) "Records / New Zealand Women / Women's Test Matches / Most Wickets". ESPNcricinfo. Besoek op 27 Oktober 2025.
  30. ↑ (en) "Records / New Zealand Women / Women's One-Day Internationals / Most Wickets". ESPNcricinfo. Besoek op 27 Oktober 2025.
  31. ↑ (en) "Records / New Zealand Women / Women's Twenty20 Internationals / Most Wickets". ESPNcricinfo. Besoek op 27 Oktober 2025.
  32. ↑ Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein gespeel is.
  33. ↑ (en) "Records / New Zealand Women / Women's Test Matches / List of Captains". ESPNcricinfo. Besoek op 27 Oktober 2025.
  34. ↑ (en) "Records / New Zealand Women / Women's One-Day Internationals / List of Captains". ESPNcricinfo. Besoek op 27 Oktober 2025.
  35. ↑ (en) "Records / New Zealand Women / Women's Twenty20 Internationals / List of Captains". ESPNcricinfo. Besoek op 27 Oktober 2025.
  36. ↑ (en) "Records / New Zealand Women / Women's Test matches / Result summary". ESPNcricinfo. 1 Februarie 2025. Besoek op 27 Oktober 2025.
  37. ↑ (en) "Records / New Zealand Women / Women's ODI matches / Result summary". ESPNcricinfo. 26 Oktober 2025. Besoek op 27 Oktober 2025.
  38. ↑ (en) "Records / New Zealand Women / Women's Twenty20 Internationals / Result summary". ESPNcricinfo. 26 Oktober 2025. Besoek op 27 Oktober 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Nieu-Seelandse_nasionale_vrouekrieketspan&oldid=2846470"