Niggies
| Niggies | |
| Genre | Riller Ware drama |
|---|---|
| Geskryf deur |
|
| Geregisseer deur | Jaco Bouwer[1] |
| Met |
|
| Komponis(te) | Pierre-Henri Wicomb[1] |
| Oorsprong | Suid-Afrika |
| Taal | Afrikaans |
| Produksie | |
| Vervaardiger(s) |
|
| Regisseur(s) | Leon Visser |
| Venue(s) | Odendaalsrus |
| Kinematografie | Chris Lotz, SASC |
| Produksiemaatskappy | Wolflight |
| Uitsending | |
| Oorspronklike kanaal | KykNET, DStv |
| Oorspronklike lopie | 25 Maart 2025 |
Niggies is 'n Afrikaanse riller wat op 'n ware lewensverhaal geskoei (bekend as die niggiemoorde) is en sedert 25 Maart 2025 op kykNET vertoon word.[2] Dit gaan oor twee niggies wat in die vakansie op Odendaalsrus gaan swem.[2] Toe hulle teen sonsondergang nog nie tuis is nie, begin die dorp na die twee soek.
Storielyn
[wysig | wysig bron]Bederwingswaarskuwing: Die storielyn en/of storie se einde volg hieronder.
Twee niggies, Petro Nel en Issie Fourie, gaan swem in die Desembervakansie op Odendaalsrus net voor die skool in Januarie 1966 heropen. Toe hulle teen sonsondergang nog nie tuis is nie, begin die dorp 'n intense soektog na die twee[3] en hulle word vermoor aangetref.
Die hele dorp is geskok, omdat "niks ooit op Odendaalsrus gebeur nie", en die plaaslike polisiekantoor is nie opgewasse om die saak te ondersoek nie.[4]
Die moord op die twee 12-jariges het die verbeelding van die hele Suid-Afrika aangegryp, en weer 18 jaar later toe 'n man eindelik aangekeer is.[5]
Niggies konsentreer op die ineenstorting van 'n gesin ná die moord van 'n kind en hulle pogings om die verdriet te verwerk.[6]
Rolverdeling
[wysig | wysig bron]- Janru Steenkamp as André Fourie (1966)
- Beer Adriaanse as André Fourie (1984)
- Carel Nel as kaptein At van Wyk
- Albert Pretorius as Gustaff Fourie
- Roeline Daneel as Maks Fouché
- Lara Boshoff as Poppie Fouché (1966)
- Jane de Wet as Poppie Fouché (1984)
- Tinarie van Wyk Loots as Marie Fourie
- Lane Vertue as Issie Fourie
- Neels Clasen as Henning Nel
- Erica Wessels as Ousus Nel
- Anja Taljaard as Henda Nel (1966)
- Cintaine Schutte as Henda Nel (1984)
- Izabella Louw as Petro Nel
- Dwayne Vorster as Sarel Slabbert
- Peggy Tunyiswa as Sophie
- Stian Bam as Johannes Theron
- Liam Bosman as Barend Theron
- Kristen Raath as Ria Fourie
- Melissa Myburgh as Maggie
Episodes
[wysig | wysig bron]| No. | Titel, regisseur | Oorspronklike uitsaaidatum |
|---|---|---|
| 1 | "Lê die Velde in Sterlig en Skade", Jaco Bouwer In Januarie 1966 verdwyn twee niggies, Petro en Issie, nadat hulle in die vakansie by die dorp se plaaslike munisipale swembad gaan swem het. | 25 Maart 2025 |
| 2 | "Ons Mense", Jaco Bouwer Die vermoorde meisies se liggame word ontdek. Issie se broer, André, voel hy is verantwoordelik omdat hy hulle nie dopgehou het nie. Die plaaslike polisiekantoor is nie opgewasse om die saak te ondersoek nie. | 1 April 2025 |
| 3 | "Voor die Regterstoel", Jaco Bouwer Kaptein At van Wyk lei die ondersoek. Die meisies word begrawe. Die familie is verpletter en André sweer hy sal die moordenaar vang. Die meisies se oom Gustaff word oor die moorde ondervra. | 8 April 2025 |
| 4 | "Wonde", Jaco Bouwer Geen getuienis word gevind dat Gustaff iets met die moorde te doen gehad het nie. André sluit by die polisie aan. In 1984 word die niggies se moordsaak heropen nadat nuwe inligting aan die lig gekom het. André raak by die ondersoek betrokke. | 15 April 2025 |
| 5 | "Elkeen wat Kwaad doen, Haat die Lig", Jaco Bouwer 'n Verdagte word ondersoek. André se obsessie met die saak veroorsaak onmin tussen hom, sy ouers en sy familie. Gustaff se verhouding met sy familie bereik 'n laagtepunt. | 22 April 2025 |
| 6 | "In die Wind Gestrooi", Jaco Bouwer Die ondersoek verloop vinnig, want die verdagte gaan gou op parool vrygelaat word. Misdadigers teiken André se gesin. Die verdagte se suster en ouers word ondervra. | 29 April 2025 |
| 7 | "En Nog Baie Jare Spaar", Jaco Bouwer Die verdagte het nog net vier dae oor voordat hy vrygelaat word. Die polisie se informant in die tronk word vermoor en André besluit om in die geheim te gaan werk en meer uit te vind. Hy beland saam met die verdagte in 'n sel. | 6 Mei 2025 |
| 8 | "Sabela", Jaco Bouwer Die gevangenes raak agterdogtig oor André se teenwoordigheid en sy lewe is in gevaar. André wen die vertroue van sy selmaat, en dié beken dat hy by die verkragting van die niggies en hulle moord betrokke was. | 13 Mei 2025 |
| 9 | "Locus Delicti", Jaco Bouwer Die geheim oor wat met die niggies gebeur het, is eindelik opgelos. Die verdagte word in hegtenis geneem en skuldig bevind. André word met sy gesin en familie herenig. | 20 Mei 2025 |
Verwysings
[wysig | wysig bron]- ↑ 1,0 1,1 1,2 Sarie.com-span, Sarie, 28 Maart 2025. "Vyf dinge wat jy moet weet oor kykNET se nuwe dramareeks ‘Niggies’". Besoek op 2 April 2025.
- ↑ 2,0 2,1 "Niggies: Stories is tydlose empatiemasjiene". Klyntji. 2 Mei 2025. Besoek op 7 Mei 2025.
- ↑ Niggies op YouTube
- ↑ Niggies op DStv
- ↑ Rapport, 30 Maart 2025. "‘Niggies’: Die wrede werklikheid agter die moordreeks". Besoek op 2 April 2025.
- ↑ Roos, Martjie. Huisgenoot, 28 Maart 2025. "‘Niggies’: Als oor die reeks wat gegrond is op ’n misdaad wat die land geruk het." Besoek op 2 April 2025.