Niihau

in Wikipedia, die vrye ensiklopedie
Niʻihau
Die Verbode Eiland
Lugfoto van Niʻihau
Lugfoto van Niʻihau
Geografie
Location in the state of Hawaii
Ligging 21°54′N 160°10′W / 21.900°N 160.167°W / 21.900; -160.167Koördinate: 21°54′N 160°10′W / 21.900°N 160.167°W / 21.900; -160.167
Oppervlakte 179,9 vk km
Geranglys 7de grootste eiland van die VSA-deelstaat Hawaii
Hoogste punt Mount Pānīʻau
  381 m
Demografie
Bevolking 130 (in 2009)
Bevolkingsdigtheid 0,7/vk km
Amptelike simbole
Blom Pūpū ke ʻoke ʻo
Kleur Ke ʻoke ʻo (wit)

Niʻihau of Niihau (niːhaʊ); Hawais: (ˈniʔiˈhɔu) is die kleinste van die bewoonde eilande in die Amerikaanse deelstaat Hawaii, met 'n oppervlakte van bykans 180 km². Niʻihau is 28,2 kilometer suidwes van Kauai anderkant die Kaulakahi-kanaal geleë.

Geskiedenis[wysig | wysig bron]

Nadat die eiland in 1864 deur Elizabeth Sinclair van die Koninkryk van Hawaii gekoop is, het dit tot vandag toe in privaat besit gebly. Sinclair het Niʻihau later aan haar erfgename, die Robinson-gesin, oorgeërf. Volgens 'n besluit van die Skotsgebore eienaars is die eiland, wat goed geskik vir skaap- en veeteelt is, nie vir besoekers toeganklik nie sodat die enkele honderd bewoners van suiwer Hawais-Polinesiese afkoms hul tradisionele leefwyse en taal kon bewaar.

Huidig[wysig | wysig bron]

Niʻihau word tans deur Bruce en Keith Robinson bestuur.

Heelwat oud-bewoners van Niʻihau woon nou op die naburige eiland Kauai, waar die twee broers ook groot boerderye besit. Die oud-bewoners van Niʻihau vaar gereeld ván en ná die eiland. Die familie Robinson en hul gaste vlieg per helikopter vanaf Port Allen lughawe (Kauai) na Niʻihau, waar daar op verskeie plekke helikopterplatforms gebou is. Die huise op Niʻihau bly voortbestaan in die oorspronklike toestand soos gebou in die 19de eeu. Die meeste bewoners, insluitend die familie Robinson, woon op Kauai.

Toeganklikheid[wysig | wysig bron]

Die eiland is net toeganklik vir familielede, Amerikaanse vlootpersoneel, regeringsamptenare en uitgenooide gaste – vandaar die bynaam "Verbode Eiland". Ter finansiering van 'n reddingshelikopter het die eienaars hul beleid in 1987 ietwat verander en sedertdien mag klein toergroepe onder toesig 'n besoek aan die eiland aflê, alhoewel hulle gewoonlik nie in aanraking met die bewoners mag kom nie.

Natuur[wysig | wysig bron]

Op en rondom die eiland leef heelwat wilde diere. Op die eiland kom wilde perde, wilde skape en bokke voor, en die water rondom die eiland huisves volop haaie en dolfyne.

Hierdie artikel is in sy geheel of gedeeltelik vanuit die Nederlandse Wikipedia vertaal.