Noem my Skollie

in Wikipedia, die vrye ensiklopedie
Jump to navigation Jump to search
Noem my Skollie
Regisseur Daryne Joshua
Produksieleier David Max Brown en Moshidi Motshegwa
Draaiboek John W. Fredericks
Met Sandi Schultz, Dann-Jaques Mouton, e.a.
Musiek deur Kyle Shepherd
Kinematografie Zenn van Zyl
Redigeerder Simon Beesley
Ateljee Maxi-D Productions
Verspreider Ster-Kinekor
Uitgereik 2 September 2016
Speeltyd 150 min.
Land Suid-Afrika
Taal Afrikaans
IMDb-profiel

Noem my Skollie is 'n Afrikaanse rolprent wat op 2 September 2016 vrygestel is. Die film speel in die Pollsmoor-gevangenis op die Kaapse Vlakte af. Dit vertel die verhaal van die draaiboekskrywer, John W. Fredericks (hy word AB in die film genoem). Dit is Daryne Joshua se eerste film as regisseur.

Noem my Skollie is die derde Afrikaanse fliek, na Paljas (1997) en Skoonheid (2011), om deur Suid-Afrika vir die Oscars ingeskryf te word.[1]

Genre[wysig | wysig bron]

Die rolprent is ’n drama, gebaseer op die ware verhaal van ’n jong storieverteller in die tronk in die 1960’s. Dit raak temas soos vriendskap, verraad, vergifnis en aanvaarding aan.[2]

Rolverdeling[wysig | wysig bron]

  • Austin Rose as die jong AB
  • Dann-Jacques Mouton as die ouer AB
  • Ethan Patton as die jong Gimba
  • Gantane Kusch as die ouer Gimba
  • Joshua Vraagom as Gif
  • Valentino de Klerk as Shorty
  • Tarryn Wyngaard as Jenny
  • David Manuel as die tronkbaas

Die rolverdeling bestaan verder uit onder andere: Christian Bennett, Gershwin Mias, Oscar Peterson, Abdu Adams, Peter Butler, Charlton George, Jill Levenberg, Denise Newman, Sandi Schultz, Andre Roothman, Paul du Toit en Irshaad Ally.

Storielyn[wysig | wysig bron]

AB en sy beste vriende, Gimba, Gif en Shorty groei in ’n armoedige bendewêreld op die Kaapse Vlakte op. Ten spyte van hulle omstandighede probeer hulle die bendes vermy, maar wanneer AB ’n traumatiese voorval beleef, besluit hulle om self ’n bende te stig om hulself te beskerm. Die vier pleeg nie ernstige misdade nie, maar die polisie hou hulle deur hul tienerjare dop, totdat hulle ’n groep gewilde jong mans word.

AB en Gimba word tydens ’n inbraak gearresteer en tot twee jaar tronkstraf gevonnis. AB besluit om sy talent vir storievertel te gebruik om die geharde misdadigers in die tronk te vermaak en sy status te verhoog. Gimba het egter ’n ander pad ingeslaan om sy veiligheid te verseker.

Wanneer hy vrygelaat word, sit AB sy verhouding met sy vriendin, Jenny, voort. Storieskryf word ’n manier om haar te beïndruk. Sy bendevriende oortuig hom egter om weer by hulle aan te sluit – wat rampspoedige gevolge vir almal inhou.

Sien ook[wysig | wysig bron]

Verwysings[wysig | wysig bron]

  1. SA benoem ‘Noem my skollie’ vir Oscars, netwerk24.com, besoek op 28 September 2016
  2. Noem my Skollie: Elke roeping het ’n prys, kyknet.dstv.com, besoek op 28 September 2016

Eksterne skakels[wysig | wysig bron]