Noord-Indiese kragonderbreking van 2012

in Wikipedia, die vrye ensiklopedie
Indiese state wat op 31 Julie 2012 deur die grootste kragonderbreking ooit getref is.

Twee ernstige kragonderbrekings het die noorde en ooste van Indië op 30 en 31 Julie 2012 getref. Die verduistering op 30 Julie 2012 het meer as 300 miljoen mense geraak en was vir kort rukkie die grootste kragonderbreking in die geskiedenis volgens aantal mense geraak, baie meer as die onderbreking van Januarie 2001 wat 230 miljoen mense in Noord-Indië geaffekteer het.[1]

Die onderbreking op 31 Julie was die grootste kragonderbreking in die geskiedenis. Die onderbreking het oor die 620 miljoen mense geraak, sowat 9% van die wêreldbevolking,[2][3][4] of die helfte van Indië se bevolking, versprei oor 22 state in Noord-, Oos-, en Noordoos-Indië. 'n Geskatte 32 gigawatt se opwekkingsvermoë is uit die sisteem verloor.

In 'n artikel in The Wall Street Journal word berig dat, van die geaffekteerde bevolking, 320 miljoen aanvanklik sonder krag was, terwyl die res van die geaffekteerde bevolking direkte toegang tot krag ontneem is.[5] Die kragvoorsiening na die geaffekteerde plekke is herstel tussen 31 Julie en 1 Augustus 2012.[6][7]

Agtergrond[wysig | wysig bron]

Indië is die wêreld se derde grootste elektrisiteitsprodusent en verbruiker van elektrisiteit na die Verenigde State en China. Die land se elektriese infrastruktuur word egter as algemeen onbetroubaar beskou.[8][9] Die noordelike elektriese rooster het al voorheen in duie gestort, in 2001. 'n Geraamde 27% van die energie wat gegenereer word, gaan verlore tydens oordrag of word gesteel[10] terwyl die piektoevoer 'n gemiddelde 9% tekort op die vraag toon.[10] Die volk ly onder gereelde kragonderbrekings wat soms so lank as 10 uur duur.[10] Verder het ongeveer 25% van die bevolking, sowat 300 miljoen mense, geen elektrisiteit nie.[10] Pogings is aangewend om oordrag- en verspreidingsverliese te verminder en produksie verder te verhoog.[11]

In die somer van 2012 het uiterste hitte veroorsaak dat kragverbruik rekordvlakke bereik het in Nieu-Delhi, wat tot die faling gelei het. As gevolg van die laat koms van die monsoenseisoen, het landbougebiede in Punjab en Haryana meer krag verbruik vir waterpompe om ryslande te besproei.[12] Die laat reëns het ook veroorsaak dat hidrokragsentrales minder krag as gewoonlik kon opwek.

Verwysings[wysig | wysig bron]

  1. "Massive power cut hits India". BBC News (in Engels). 2 Januarie 2001. Geargiveer vanaf die oorspronklike op 6 April 2020. Besoek op 18 Maart 2015.
  2. Helen Pidd (31 Julie 2012). "India blackouts leave 700 million without power". The Guardian (in Engels). Geargiveer vanaf die oorspronklike op 5 Junie 2013. Besoek op 31 Julie 2012.
  3. Hriday Sarma and Ruby Russell (31 Julie 2012). "620 million without power in India after 3 power grids fail". USA Today (in Engels). Geargiveer vanaf die oorspronklike op 5 Maart 2016. Besoek op 31 Julie 2012.
  4. "India's Mass Power Failure Worst Ever in World History". Outlook. Press Trust of India. 1 Augustus 2012. Geargiveer vanaf die oorspronklike op 1 Augustus 2012. Besoek op 1 Augustus 2012.
  5. Tripti Lahiri (1 Augustus 2012). "How Many People Actually Lost Power?". The Wall Street Journal (in Engels). Geargiveer vanaf die oorspronklike op 6 April 2020. Besoek op 5 Augustus 2012.
  6. "Power grids fail: Power restoration complete in Delhi & northeast, 50% in eastern region". The Economic Times (in Engels). 31 Julie 2012. Geargiveer vanaf die oorspronklike op 25 April 2019. Besoek op 31 Julie 2012.
  7. Gardiner Harris and Vikas Bajaj (1 Augustus 2012). "As Power Is Restored in India, the 'Blame Game' Over Blackouts Heats Up". The New York Times (in Engels). Geargiveer vanaf die oorspronklike op 24 Desember 2014. Besoek op 2 Augustus 2012.
  8. "How businesses pay for India's unreliable power system". SME Mentor (in Engels). Associated Press. 2 Augustus 2012. Geargiveer vanaf die oorspronklike op 1 Februarie 2014. Besoek op 3 Augustus 2012.
  9. "Indian Businesses Weather Blackouts, but at a Cost". ABC News. Associated Press. 1 Augustus 2012. Besoek op 3 Augustus 2012.[dooie skakel]
  10. 10,0 10,1 10,2 10,3 Rajesh Kumar Singh and Rakteem Katakey (1 Augustus 2012). "Worst India Outage Highlights 60 Years Of Missed Targets" (in Engels). Bloomberg. Geargiveer vanaf die oorspronklike op 6 Maart 2017. Besoek op 2 Augustus 2012.
  11. Express News Service (26 Julie 2013). "Address power transmission and distribution losses" (in Engels). Geargiveer vanaf die oorspronklike op 4 Maart 2016.
  12. "Power grid failure: FAQs". Hindustan Times (in Engels). 31 Julie 2012. Geargiveer vanaf die oorspronklike op 16 Oktober 2013. Besoek op 31 Julie 2012.