Nordaustlandet

in Wikipedia, die vrye ensiklopedie
Jump to navigation Jump to search
Nordaustlandet
Nasa-Satellietbeeld van Nordaustlandet
Nasa-Satellietbeeld van Nordaustlandet
Geografie
Nordaustlandet.png
Ligging Arktiese Oseaan
Koördinate 79°48′N 22°24′O / 79.800°N 22.400°O / 79.800; 22.400Koördinate: 79°48′N 22°24′O / 79.800°N 22.400°O / 79.800; 22.400
Argipel Svalbard

Oppervlakte 14 443 vk km
Hoogste punt Snøtoppen 764 m
Administrasie
Vlag van Noorweë Noorweë
Provinsie Svalbard

Demografie
Bevolking 0

Nordaustlandet (Noors vir: "Noordoosland") is die tweede grootste eiland van die Noorse eilandgroep Svalbard na Spitsbergen met 'n oppervlakte van 14 443 km². Dit is ook die tweede grootste eiland van Noorweë en die wêreld se 57ste grootste eiland. Daarbenewens is dit die negende grootste eiland van Europa na Groot-Brittanje, Ysland, Ierland, Sewerni-eiland, Spitsbergen, Joezjni-eiland, Sisilië en Sardinië.

Kaart van Nordaustlandet
Landskap op Nordaustlandet

Nordaustlandet vorm die noordoostelike deel van Svalbard en grens aan die Arktiese Oseaan in die noorde en die Barentssee in die ooste. Verder oos is die Russiese eilandgroep Franz Josef-land geleë.

Op Nordaustlandet is met Austfonna die grootste gletser van Europa geleë; dit beslaan 'n oppervlakte van 8 450 km². Dit is na Antarktika, Groenland en Sewerni-eiland die vierde grootste met ys bedekte gebied wêreldwyd. Vestfonna is met 2 450 km² die tweede grootste gletser van Nordaustlandet. Die gletsers word deur aardverwarming bedreig.

Nordaustlandet word in vyf streke of landskappe onderverdeel:

  • Gustav-V-land (noordweste)
  • Prins-Oscars-land (noorde)
  • Orvin-land (noordooste)
  • Harald-V-land (ooste)
  • Gustav-Adolf-land (suide)

Eksterne skakels[wysig | wysig bron]