Noreen Berry

in Wikipedia, die vrye ensiklopedie
Jump to navigation Jump to search
Noreen Berry
Geboorte15 April 1931
Port Elizabeth
Afsterwe7 Augustus 2012
Londen, Engeland
Beroep(e)Sangeres
Tipe stemMezzosopraan
Instrument(e)Stem, klavier
AssosiasiesRoyal Opera House
Portal.svg Musiekportaal

Noreen Berry (1931–2012) was ’n Suid-Afrikaansebore mezzosopraan met ’n lang en gevestigde loopbaan in die Britse opera. Sy was aan die Royal Opera House in Covent Garden verbonde, waar sy haar in verskeie rolle onderskei het. Sy was ’n gereelde gaskunstenaar by die Glyndebourne-fees, asook by die Sadler’s Wells-teater (English National Opera) en die Walliese en Skotse operageselskappe.[1]

Beknopte biografie[wysig | wysig bron]

Berry is op 15 April 1931 in Port Elizabeth gebore en het musiek in Kaapstad studeer, aanvanklik as 'n pianis, waar haar suiwer sangstem ontdek is. In 1953 verhuis sy na Brittanje vir verdere opleiding, waar sy die res van haar lewe gewoon het.

Haar Britse verhoogdebuut was in 1954 as Berta by Glyndebourne, wat sy met Dryad in Ariadne opvolg. Later daardie jaar was sy Ježibaba in 'n besondere opvoering van Rusalka in die Royal Festival Hall, wat deur Rafael Kubelik gedirigeer is.

Haar rolle by Covent Garden sluit in: Emilia in Otello, Third Lady, Mrs. Sedley in Peter Grimes, Hecuba in The Trojans, Adelaide in Arabella, Hippolyta in A Midsummer Night's Dream en Filippyevna.[2]

Sy is op 7 Augustus 2012 in Londen, Engeland oorlede.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Profiel van Noreen Berry, besoek op 2 Januarie 2016