Norman Bailey

in Wikipedia, die vrye ensiklopedie
Norman Bailey
GeboortenaamNorman Stanley Bailey
Gebore23 Maart 1933
Birmingham, Engeland
Sterf15 September 2021 (op 88)
GenresOpera
Beroep(e)Liriekkunstenaar, bas, bariton

Norman Stanley Bailey (* 23 Maart 1933 - 15 September 2021), gebore in Birmingham, Engeland, was 'n internasionale bekende bas. Sy ouers het kort na sy geboorte na Suid-Afrika geëmigreer, waar hy sy skoolopleiding in Boksburg begin het. Later is hy egter na Salisbury. In 1955 het die B.Mus-graad aan die Rhodes-universiteit behaal.

In 1958 het na Wene vertrek om daar aan die Staatsakademie te studeer. Hy het sy professionele loopbaan in 1960 by die Landestheater in Linz begin. Na verskeie jare in Wupperthal, Düsseldorf en die Deutsche Oper am Rhein, waartydens hy ook as gas in La Scala, Covent Garden, Bayreuth, Hamburg, München en Stuttgart opgetree het, is hy op kontrak by Sadler's Wells aangestel as voltydse sanger. Sedert 1971 tree hy egter weer as vryskutsanger op en onderskei hy hom al hoe meer in die Wagnerrolle. Hy het ook rolle gesing in plaatopnames wat van Die Meistersinger, Die Walküre en Der Fliegende Holländer gemaak is.

Bron[wysig | wysig bron]

  • Ensiklopedie Afrikana (Edms) Bpk, ISBN 0-908409-41-9 Stel, ISBN 0-908409-43-5 Band
  • Serfontein, Pieter: Norman Bailey - Suid-Afrikaanse sanger van formaat. In: Lantern. Tydskrif vir Kuns, Kennis en Kultuur. Jaargang 29, nr. 2, April 1980.