North American F-82 Twin Mustang
| North American F-82 Twin Mustang | |
|---|---|
 | |
| Tipe | Vegvliegtuig |
| Vervaardiger | North American Aviation |
| Nooiensvlug | 15 Junie 1945 |
| Bekendstelling | 1946 |
| Onttrek | 1953 |
| Hoofgebruiker | Amerikaanse Lugmag |
| Aantal gebou | 272 |
| Ontwikkel van | North American P-51 Mustang |
Die North American F-82 Twin Mustang is 'n Amerikaanse skroefaangedrewe vegvliegtuig wat te laat was vir die Tweede Wêreldoorlog. Hierdie vliegtuig is ontwikkel as 'n langafstand metgesel vir die Amerikaanse bomwerpers. Die behoefte op daardie stadium was vir 'n vliegtuig wat vir ure in die lug kon bly en dat die vlieënier vars moet wees ten alle tye. Ontwikkeling het in 1944 begin, dit was in wese twee North American P-51 Mustang's wat aanmekaar gekoppel was met 'n middelvlerk. Die bemanning jet bestaan uit 'n vlieënier en 'n vlieënier/navigator. Dit sou help om uitputting te verminder tydens lang vlugte. Produksie kon gou begin omrede dit in wese twee P-51's wat aanmekaar gelas is. Die twee vlieëniers het elk in sy eie kajuit gesit.
Dit was ook die laaste skroefaangedrewe dagvegter wat die Amerikaanse Lugmag bestel het. Alhoewel dit te laat was vir die Tweede Wêreldoorlog het tog baie diens gedoen ná die oorlog as 'n nagvegter. Model F-82F en G was toegerus met radar en was grootliks gebruik deur Air Defence Command as vervanging van die P-61 nagvegter. Nege F-82F's en vyf F-82G's was omgeskakel na F-82H's en gebruik as winter onderskeppervliegtuie vir Alaska.
Die F-82 was ook gebruik in die Korea-oorlog. F-82's wat in Japan gebruik is was van die eerstes wat aan die oorlog deelgeneem het. Die eerste drie vliegtuie van Noord-Korea wat afgeskiet is, is deur F-82G alleweerstoestand onderskeppers afgeskiet. Die F-82 het 1,868 missies in Korea gevlieg voordat hulle in Februarie 1952 uit diens onttrek is.
Tegniese besonderhede[wysig | wysig bron]
| Item | Statistiek |
|---|---|
| Aantal motors | 2 |
| Tipe motor | Suiermotor |
| Vervaardiger | Allison V-1710-143/145 V12 |
| Kraglewering per motor | 1 600 perdekrag |
| Vlerkspan | 15,62 m |
| Lengte | 12,93 m |
| Hoogte | 4,22 m |
| Vlerkoppervlakte | 37,9 m2 |
| Maks. opstygmassa | 11 608 kg |
| Maks. snelheid | 742 km/h |
| Operasionele hoogte | 11 855 m |
| Togafstand | 3 605 km |
| Klimvermoë | 1 150 m per minuut |
| Bewapening | Ses 12.7 mm masjiengewere in vlerke en vier 454 kg bomme onder vlerke |
Sien ook[wysig | wysig bron]
Bron[wysig | wysig bron]
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9