Nossobrivier

in Wikipedia, die vrye ensiklopedie
Jump to navigation Jump to search
Nossobrivier
Die loop van die Auobrivier, 'n sytak van die Nossob
Die loop van die Auobrivier, 'n sytak van die Nossob
Oorsprong Otjihavera-bergreeks, Namibië
Monding Moloporivier
Stroomgebied Botswana, Namibië en Suid-Afrika
Oorsprong-hoogte 1 900 m
Monding-hoogte 890 m
Ligging van Nossobrivier op 'n kaart (Suid-Afrika)
Nossobrivier
Nossobrivier
Monding van die Nossob
Koördinate: 26°54′15″S 20°41′24″O / 26.90417°S 20.69000°O / -26.90417; 20.69000Koördinate: 26°54′15″S 20°41′24″O / 26.90417°S 20.69000°O / -26.90417; 20.69000

Die Nossobrivier (ook Nosob of Nossop) (ǂnuse !ab, Khoikhoi vir swart rivier)[1] is 'n droë rivierloop in die ooste van Namibië en die Kalahari-streek van Suid-Afrika en Botswana. Dit dek 'n afstand van 740 km en het laas in 1989 sterk gevloei. Die rivier leen ook sy naam aan die Nossobkamp by 25°25′18″S 20°35′47″O / 25.42167°S 20.59639°O / -25.42167; 20.59639 in die Kgalagadi Vredespark.[2]

Roete[wysig | wysig bron]

Die Nossob het sy oorsprong in twee hoofsytakke, die Wit- en Swart-Nossob. Beide sytakke het hul oorsprong op die oostelike hange van die Otjihaverabergreeks, oos van Windhoek. Hul bronne is onderskeidelik op 1 800 m en oor die 2 000 m bo seevlak. Die twee rivierbeddings vloei saam sowat 80 km suid van Gobabis, wat op die oewer van die Swart-Nossob geleë is.

Van hierdie samevloeiing af vloei die rivier verby die nedersettings van Leonardville en Aranos om Union's End te bereik in Suid-Afrika. Vanaf Union's End vorm die rivierbedding die Botswanagrens en kronkel dit deur die Kgalagadi-oorgrenspark vir 'n afstand van meer as 200 km. Dit bereik die suidelike grens van die wildtuin net noord van Twee Rivierenkamp, naby sy samevloeiing met die Auobrivier.

Daar word in die Kalahari gesê dat die Nossob net een keer in 'n eeu vloei. Dit beteken egter dat ondergrondse water lewe vir diere, gras en kameeldoringbome in die rivierbedding voorsien. Die Nossob kan sporadies vloei na groot donderstorms, wat veroorsaak dat wild na die rivier stroom.

Die Nossob eindig by sy samevloeiing met die Moloporivier sowat 50 km suid van Twee Rivieren. Die samevloeiing by 26°54′15″S 20°41′24″O / 26.90417°S 20.69000°O / -26.90417; 20.69000 is nog 890 m bo seevlak. Die Molopo is op sy beurt 'n sytak van die Oranjerivier, wat mekaar stroomaf van Augrabies ontmoet.

Verwysing[wysig | wysig bron]

  1. du Plessis, E.J. (1973). Suid-Afrikaanse berg- en riviername. Tafelberg-uitgewers, Kaapstad. p. 293. ISBN 0-624-00273-X. 
  2. Raper, P.E. (2004). South African Place Names. Jonathan Ball, Johannesburg en Kaapstad. p. 278. ISBN 1-86842-190-2. 
Hierdie artikel is in sy geheel of gedeeltelik vanuit die Engelse Wikipedia vertaal.