Nuanetsirivier

in Wikipedia, die vrye ensiklopedie
Jump to navigation Jump to search
Nuanetsirivier
Die Nuanetsirivier in die Zimbabwese laeveld
Die Nuanetsirivier in die Zimbabwese laeveld
Oorsprong Insiza-distrik, Zimbabwe
Monding Limpopo in Mosambiek
Stroomgebied Zimbabwe en Mosambiek
Oorsprong-hoogte 1195 m
Monding-hoogte 154 m
Stroomgebiedopp. 14 500 km²
Ligging van Nuanetsirivier op 'n kaart (Mosambiek)
Nuanetsirivier
Nuanetsirivier
Koördinate: 22°38′36″S 31°48′52″O / 22.64333°S 31.81444°O / -22.64333; 31.81444Koördinate: 22°38′36″S 31°48′52″O / 22.64333°S 31.81444°O / -22.64333; 31.81444

Die Nuanetsirivier (Nuanetzirivier, Mwenezirivier) is 'n rivier in Zimbabwe en Mosambiek wat by die Limpoporivier aansluit.

Die rivier ontspring 70 km suidwes van Bulawayo, Insiza-distrik, in die provinsie Matabeleland-Suid. Daarna vloei dit noordoos van Rutenga deur die Manyuchi-dam. Van wes sluit die Mushawerivier aan en gaan dit deur die suide van die Gonarezhou Nasionale Park, verby die dorp Malipati en sluit dan 20 km oor die Mosambiekgrens by die dorp Chicualacuala by die Limpopo aan. Dit het 'n opvanggebied van nagenoeg 14 500 km².

Hierdie rivier loop slegs in 'n goeie reënseisoen (November tot April), met die meeste afloop tussen Desember en Februarie aangeteken, behalwe waar dit deur damoperasies beheer word.[1] Die rivier dra jaarliks 6.7% van die gemiddelde afloop in die Limpopobekken by, wat dit die derde grootste bydraer van water aan die Limpopo maak.[2]

Uit die Manyuchi-dam en verskeie keerwalle word die suikerrietlande op die oewers besproei. Seekoeie is volop in die rivier. Krokodille is 'n gevaar vir mens en dier. In die vallei is daar baie voëls, veral reiers.

Verwysings[wysig | wysig bron]

  1. Love, D., Uhlenbrook, S., Nyabeze, W., Owen, R.J.S., Twomlow, S., Savenije, H. , Woltering, L. and van der Zaag, P. 2005. Modelling of hydrological change for IWRM planning: case study of the Mzingwane River, Limpopo Basin, Zimbabwe. In: Abstract Volume, 6th WaterNet/WARFSA/GWP-SA Symposium, Ezulwini, Swaziland, November 2005, p 31.[1]
  2. Görgens, A.H.M. and Boroto, R.A. 1997. Limpopo River: flow balance anomalies, surprises and implications for integrated water resources management. In: Proceedings of the 8th South African National Hydrology Symposium, Pretoria, South Africa.