Number One Observatory Circle

Number One Observatory Circle, die offisiële woning van die Visepresident van die Verenigde State, gesien op 'n sneeuerige dag in Desember 2017.

Number One Observatory Circle is die amptelike woning van die visepresident van die Verenigde State. Geleë op die terrein van die Amerikaanse Vlootsterrewag in Washington D.C., word dit soms informeel eenvoudig die Naval Observatory genoem. Die huis is in 1893 gebou vir die sterrewag se superintendent. Die Amerikaanse Vloot se hoof van vlootoperasies (CNO) het so baie van die huis gehou dat hy die huis in 1923 van die superintendent vir homself oorgeneem het. Dit het die woning van die CNO gebly tot in 1974, toe die Kongres bepaal het dat dit makliker en goedkoper sou wees om sekuriteit in 'n regeringsvoorsiene woning te verskaf. Die woning is transformeer na die eerste amptelike woning vir die visepresident. Die kongresmagtiging van 1974 het die koste van opknapping en meubilering van die huis gedek.

Alhoewel Number One Observatory Circle in 1974 aan die visepresident beskikbaar gestel is, het meer as twee jaar verloop voordat 'n visepresident voltyds in die huis gewoon het. Visepresident Gerald Ford het president geword voordat hy die huis kon gebruik. Sy visepresident, Nelson Rockefeller, het die huis hoofsaaklik vir amptelike vermaak gebruik, aangesien hy reeds 'n goed beveiligde woning in Washington D.C, gehad het. Die Rockefellers het wel meubels ter waarde van miljoene dollars aan die huis geskenk. Visepresident Walter Mondale was die eerste visepresident wat in die huis ingetrek het. Elke visepresident sedertdien het daar gewoon.