Nuwe Boedapest Kwartet

in Wikipedia, die vrye ensiklopedie

Die Nuwe Boedapest Kwartet (Engels: New Budapest Quartet) is 'n strykkwartet wat in 1971 gestig is en wat in dieselfde jaar pryse gewen het in die Haydn-kompetisie in Wene en die Carlo Clacchino Internasionale Concourse in Rome. In 1973 was die strykkwartet die pryswenner gewees tydens die Leo Weiner Internasionale Musiekkompetisie in Boedapest. Die strykkwartet, wie se lede kamermusiek aan die Boedapest Liszt Ferenc Akademie vir Musiek studeer het, het nagraadse opleiding ontvang tydens die finale somer meesterskursus wat in 1972 deur die wêreldbekende Hongaarse Kwartet in Waterville, Maine, VSA, aangebied is. Die openbare konsert wat hulle gegee het na die geleentheid was hoofnuus in die pers met die opskrif "New Budapest Quartet Continues Tradition of the Hungarian Quartet", en musiekkritici het die sagte klank en die suiwerheid van die kwartet se intonasie geprys. Daar kan ook vermeld word dat die strykkwartet die tradisie van die selfs meer beroemde en gewilde Boedapest Strykkwartet voortsit, wat in die vyftig jaar tussen 1917 en 1967, toe hulle ontbind is, nie net 'n hoë vlak van kritiese aansien behaal het nie, maar ook merkwaardige populêre sukses behaal het. (The New Grove).[1]

Verwysings[wysig | wysig bron]

  1. https://www.hyperion-records.co.uk/a.asp?a=A615 . Opgespoor en besoek op 06/09/2019