Nyasasaurus

in Wikipedia, die vrye ensiklopedie
Nyasasaurus
Tydperk: Middel-Trias 243 m. jaar gelede
’n Voorstelling van Nyasasaurus gebaseer op fossielstukke van voorbeeld 1 (in swart) en voorbeeld 2 (in blou).
Wetenskaplike klassifikasie
Koninkryk: Animalia
Filum: Chordata
Klade: Dinosauriformes
Genus: Nyasasaurus
(Nesbitt et al., 2013)
Tipe-spesie
Nyasasaurus parringtoni

Nyasasaurus ("Njassameer-akkedis") is ’n uitgestorwe genus Dinosauriformes-reptiele uit die Middel-Trias in Tanzanië en kan die vroegste bekende dinosourus wees. Die tipe-spesie, N. parringtoni, is in 1956 vir die eerste keer beskryf in ’n doktoraat van die Engelse paleontoloog Alan J. Charig, maar dit is eers in 2013 amptelik beskryf. Die vorige oudste rekord van ’n dinosourus was uit die Karnium-tydsnede, sowat 231,4 miljoen jaar gelede. Nyasasaurus is ontdek in ’n formasie wat uit die Anisium-tydsnede dateer, wat beteken dit het sowat 16 miljoen jaar voor ander vroeë dinosourusse geleef.[1]

Beskrywing[wysig | wysig bron]

Die tipe-spesie, NHMUK R6856, is ’n gedeeltelike skelet van ’n individu wat na raming sowat 2-3 meter lank was. Dit bestaan uit ’n regter-boarmbeen en ses werwels. Nog ’n fossiel, SAM-PK-K10654, bestaan uit drie nek- en twee ander werwels.

Omdat die beendere onvolledig is, is dit moeilik om Nyasasaurus te klassifiseer. Dit kan met sekerheid in Archosauria geplaas word (die groep reptiele wat moderne voëls en krokodille insluit), asook in Dinosauriformes (die groep wat voëls, nie-vlieënde dinosourusse en verskeie nie-dinosourus-groepe uit die Trias insluit).[1]

Verwysings[wysig | wysig bron]

  1. 1,0 1,1 Nesbitt, S. J.; Barrett, P.M.; Werning, S.; Sidor, C.A.; Charig, A.J. (2013). "The oldest dinosaur? A Middle Triassic dinosauriform from Tanzania". Biol. Lett. doi:10.1098/rsbl.2012.0949.