O.R. Tambo Internasionale Lughawe

in Wikipedia, die vrye ensiklopedie
Spring na: navigasie, soek
O.R. Tambo Internasionale Lughawe
JohannesburgIntlAirport.jpg
Die O.R. Tambo Internasionale Lughawe Johannesburg
IATA: JNBICAO: FAOR
Opsomming
Tipe lughawe Openbaar
Eienaar/Operateur Airports Company South Africa
Bedien Johannesburg en Pretoria
Ligging Kemptonpark, Gauteng, Suid-Afrika
Spil vir Airlink
Comair
Interair South Africa
Suid-Afrikaanse Lugdiens
South African Express
Mango
Kulula
In gebruik sedert 1952
Hoogte bo seevlak 5 558 vt / 1 694 m
Koördinate 26°08′21″S 28°14′46″O / 26.13917°S 28.24611°O / -26.13917; 28.24611Koördinate: 26°08′21″S 28°14′46″O / 26.13917°S 28.24611°O / -26.13917; 28.24611
Webtuiste www.acsa.co.za
Landkaart
JNB is geleë in Johannesburg
JNB
Ligging naby Johannesburg
Aanloopbane
Rigting Lengte Oppervlak
m vt
03L/21R 4 418 14 495 Teer
03R/21L 3 400 11 155 Teer
Statistieke (2012)
Passasiers 18 794 897
Lugbewegings 203 007
Ekonomiese impak 3,2 miljard[1]
Sosiale impak 128,2 duisend[1]
Bronne: Passasierstatistiek[2]

Die O.R. Tambo Internasionale Lughawe (IATA: JNB, ICAO: FAOR) is 'n reuse lughawe naby Johannesburg, Gauteng, Suid-Afrika en die belangrikste lughawe vir binnelandse en buitelandse vlugte in Suid-Afrika.

Posisie in die wêreld[wysig | wysig bron]

O.R. Tambo Internasionale Lughawe Johannesburg: inweeg-toonbanke

Die lughawe is die grootste op die vasteland van Afrika, en het in 2007 tot 19 440 000 reisigers hanteer. In 1996 het Johannesburg se lughawe dié van die Egiptiese hoofstad Kaïro as die besigste op die Afrika-vasteland verbygesteek en is nou een van die eenhonderd besigste lughawens ter wêreld. Teen die jaar 2010 het dit meer as 21 miljoen passasiers hanteer.

Beskrywing[wysig | wysig bron]

Die lughawe is in 1952 as "Jan Smuts-lughawe" naby Kemptonpark aan die Oos-Rand gestig en was in die 1970's 'n toetslughawe vir die Frans-Britse supersoniese Concorde-vliegtuig. Tussen 1994 en 2006 staan dit as die Internasionale Lughawe van Johannesburg bekend. Dit word 27 Oktober 2006 na die anti-apartheidsaktivis en stigterslid van die ANC Jeugliga, Oliver Tambo, herdoop.

Sy internasionale terminaal is ontwerp om ook die grootste moderne dubbeldek-passasiersvliegtuie soos die Airbus A380 te kan hanteer. Die lughawe se twee aanloopbane van respektiewelik 3300 en 4400 meter word tans selfs as die langstes ter wêreld beskou.[3]

Suid-Afrikaanse Lugdiens en ander internasionale lugrederye se oorsese bestemmings, wat vanaf die O R Tambo-lughawe bedien word, sluit onder meer Beijing, Buenos Aires, Hong Kong, New York, Perth, São Paulo en Washington, DC in. Daar is egter 'n groter aantal verbindings met Europese lande, waaronder sewe daaglikse verbindings vanaf Londen in die Verenigde Koninkryk met Airbus en Boeing 747-400-makrostralers.

ACSA[wysig | wysig bron]

Die lughawe word beheer en bedryf deur Acsa (Lughawensmaatskappy van Suid-Afrika). Acsa het verskeie opgraderingsprojekte van stapel gestuur om vir die toenemende getal passasiers voorsiening te maak, onder meer 'n nuwe binnelandse terminaal, opgradering vir die Airbus A380-vliegtuig en baie meer parkeerplek vir voertuie.[verwysing benodig]

Gautrein[wysig | wysig bron]

Die lughawe word sedert 2010 deur 'n stasie vir die Gautrein bedien.

Verwysings[wysig | wysig bron]

  1. 1,0 1,1 (en) O. R. Tambo International airport - Economic and social impacts”. Ecquants. URL besoek op 15 Mei 2014.
  2. (en) O.R. Tambo Airport Passenger Statistics”. Airports Company South Africa. URL besoek op 15 Mei 2014.
  3. Johannesburg Airport Guide. Besoek op 1 Maart 2016

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: