Gaan na inhoud

Oekraïense aanvalle op Russiese lugmagbasisse in Junie 2025

in Wikipedia, die vrye ensiklopedie
Oekraïense teikens in Rusland op 1 Junie 2025.
'n Foto van 'n militêre vliegtuig, 'n Tu-95, wat tydens die aanval in Rusland se Olenja-lugbasis deur 'n hommeltuig getref is.

Op 1 Junie 2025 het die veiligheidsdiens van Oekraïne (SBU) 'n oorgrensoperasie in Rusland van stapel gestuur met die kodenaam Operasie Spinnerak (Pawoetina, Oekraïens: Операція «Павутина»). Die operasie is die grootste in sy soort tot nog toe om militêre infrastruktuur diep binne Russiese gebied te teiken.[1][2]

Die operasie het hoofsaaklik gekoördineerde hommeltuigaanvalle behels wat binne Russiese gebied van vragmotors af gelanseer is, met verskeie Russiese lugmagbasisse as teikens: Belaja, Djagilewo, Iwanowo Sewjerni, Olenja en Woskresensk. Volgens die SBU het hierdie aanvalle gelei tot die vernietiging van meer as 40 Russiese militêre vliegtuie, insluitend strategiese bomwerpers soos die A-50, Tu-95 en Tu-22M's, wat in nagtelike bomaanvalle teen Oekraïense stede gebruik is.[3][4]

Beplanning

[wysig | wysig bron]

Volgens Oekraïense bronne was die operasie "uiters kompleks" en het dit een en 'n halwe jaar jaar se voorbereiding gekos. Dit het onder die persoonlike toesig van Wolodimir Zelenski plaasgevind.[5] Hommeltuie is na Rusland vervoer, na houtlanseerhouers oorgeplaas en toe op vragmotors gemonteer. Aan die begin van die aanval is die dakke van hierdie houers van ‘n afstand oopgemaak en die hommeltuie het na hul teikens gevlieg.[6][7] Die agente wat die operasie op Russiese grondgebied voorberei het, was na bewering reeds voor die aanvalle ontruim.[8]

Volgens Axios het Oekraïne die administrasie van die Amerikaanse president Donald Trump vooraf ingelig oor die aanvalle op Russiese lugbasisse.[9][10]

Aanvalle

[wysig | wysig bron]
'n Russiese Lugmag Toepolef Tu-95.
Die hoof van die SBU, Wasil Maljoek, bekyk satellietbeelde van Russiese militêre vliegvelde (kloksgewys: Olenja, Iwanowo Sewjerni, Oekrainka, Belaja en Djagilewo) en foto's van strategiese bomwerpers Tu-95MS (links) en Tu-22M3 (regs).

Oekraïense hommeltuie het verskeie Russiese lugmagbasisse geteiken, insluitend Belaja, Djagilewo, Iwanowo Sewjerni en Olenja. Die SBU beweer dat hulle meer as 40 Russiese militêre vliegtuie getref het, insluitend strategiese bomwerpers soos die Tu-160, Tu-95 en Tu-22M's en die lugvaartuig met vroeë waarskuwing en beheer A-50.[4] Die goewerneur van Irkoetsk-oblast het 'n hommeltuigaanval naby Sredni, die ligging van die Belaja-lugbasis, bevestig en beeldmateriaal gedeel wat 'n rookwolk wys.[11] Russiese media het oor die aanval by Olenja berig, maar gesê lugverdediging werk.[12] Na die aanvalle het Russiese amptenare 'n noodtoestand afgekondig met betrekking tot die Engels- en Morozofsk-lugbasis weens 'n moontlike lugbedreiging by daardie basisse.[13] 'n Vyfde aanval – op 'n lugmagbasis naby Woskresensk in Moskou-oblast – is op dieselfde dag aangemeld.[14][15]

Verskeie Telegram-kanale het 'n video gepubliseer van 'n beweerde ontploffing in Seweromorsk, waar Russiese kernduikbote gestasioneer is. Die burgemeester van die stad, Wladimir Ewmenkof, het hierdie inligting weerlê en gesê geen dreigemente is opgespoor nie.[16]

Oekraïense bronne beweer die aanvalle het meer as USD$2 miljard se skade veroorsaak.[17]

Die Russiese ministerie van verdediging het erken dat 'n "terreuraanval" plaasgevind het.[18] Russiese media het berig 'n vragmotorbestuurder wat na bewering by die aanval betrokke was, sou deur die polisie ondervra word.[19]

Verwysings

[wysig | wysig bron]
  1. ↑ "Ukraine 'targets Russian airbases' with drones". The Times. 1 Junie 2025. Besoek op 1 Junie 2025.
  2. ↑ "Ukraine hits Russian bomber bases with FPV drone swarm". Defense Blog. 1 Junie 2025. Besoek op 1 Junie 2025.
  3. ↑ "Ukraine attacks Russian nuclear-capable bombers in Siberia". Reuters. 1 Junie 2025. Besoek op 1 Junie 2025.
  4. ↑ 4,0 4,1 "Ukraine reportedly strikes down over 40 Russian strategic bombers". euronews (in Engels). 1 Junie 2025. Besoek op 1 Junie 2025.
  5. ↑ "Ukraine stages audacious attack on airfields deep in Russian territory". Financial Times. 1 Junie 2025. Besoek op 1 Junie 2025. Volgens mense vertroud met die operasie, is die hommeltuigaanval, met die kodenaam Spinnekopweb, meer as 'n jaar vooruit beplan en "persoonlik onder toesig" van Zelenski. Dit het dosyne klein "eerstepersoon-aansig"-hommeltuie gebruik wat met plofstof gewapen was.
  6. ↑ "Спецоперацію «Павутина» готували понад півтора року - джерело". www.ukrinform.ua (in Oekraïens). 1 Junie 2025. Besoek op 1 Junie 2025.
  7. ↑ "FPV сховали під дахи мобільних будиночків: деталі про історичну операцію СБУ "Павутина"". LB.ua. 1 Junie 2025. Besoek op 1 Junie 2025.
  8. ↑ "Знищення 41 літака стратегічної авіації РФ. Як готували спецоперацію "Павутина" (ФОТО, ВІДЕО)". Texty.org.ua. 1 Junie 2025. Besoek op 1 Junie 2025.
  9. ↑ Ravid, Barak (1 Junie 2025). "Ukraine launches massive drone strike on air bases deep inside Russia". Axios (in Engels). Besoek op 1 Junie 2025.
  10. ↑ Jacobs, Jennifer (1 Junie 2025). "Ukraine claims drone attack hit 40 Russian bombers as talks set to resume in Turkey". CBS News (in Engels).
  11. ↑ "Ukraine attacks Russian nuclear-capable bombers in Siberia". Reuters. 1 Junie 2025. Besoek op 1 Junie 2025.
  12. ↑ Adams, Paul; Lukiv, Jaroslav (1 Junie 2025). "Ukraine says at least 40 Russian warplanes hit in massive drone strikes". BBC. Besoek op 1 Junie 2025.
  13. ↑ Kostenko, Viktor (1 Junie 2025). Ще три російські військові аеродроми під дроновою атакою [Three more Russian military air fields are under drone attack]. dsnews.ua (in Oekraïens). Besoek op 1 Junie 2025.
  14. ↑ Hordiichuk, Ivanna (1 Junie 2025). СБУ уразила за день одразу п'ять військових аеродромів РФ (оновлено) [SBU struck five Russian military airfields in one day (updated)]. Glavcom (in Oekraïens). Besoek op 1 Junie 2025.
  15. ↑ Cole, Deborah; Sauer, Pjotr (1 Junie 2025). "Ukraine launches major drone attack on Russian bombers, security official says". The Guardian. Besoek op 1 Junie 2025.
  16. ↑ Линке, Николай (1 Junie 2025). "Эксперты: ВСУ нанесли крупнейший удар по авиации РФ" (in Russian). Deutsche Welle. Besoek op 1 Junie 2025.{{cite news}}: AS1-onderhoud: onerkende taal (link)
  17. ↑ "СБУ завдала удару по російських бомбардувальниках: уражено 40 літаків — джерела". hromadske (in Oekraïens). 1 Junie 2025. Besoek op 1 Junie 2025.
  18. ↑ "Russia confirms Ukraine carried out drone attacks on airfields". BBC. 1 Junie 2025. Geargiveer vanaf die oorspronklike op 1 Junie 2025. Besoek op 1 Junie 2025.
  19. ↑ "Russian authorities detain truck driver thought to be involved in attack". BBC. 1 Junie 2025. Geargiveer vanaf die oorspronklike op 1 Junie 2025. Besoek op 1 Junie 2025.
Ontsluit van "https://af.wikipedia.org/w/index.php?title=Oekraïense_aanvalle_op_Russiese_lugmagbasisse_in_Junie_2025&oldid=2814656"