Olof Skötkonung
| Olof Skötkonung | |
|---|---|
| Koning van Swede | |
 'n Munstuk van koning Olof.
| |
| Bewind | c. 995-1022 |
| Voorganger | Erik die Oorwinnaar |
| Opvolger | Anund Jakob |
| Gebore | c. 980 |
| Oorlede | 1022 (op 41-42) |
| Vader | Erik die Oorwinnaar |
| Koningshuis | Huis van Munsö |
Olof Skötkonung (Oudnoors: Óláfr skautkonungr), soms genoem Olaf die Sweed (c. 980-1022), was koning van Swede en die seun van Erik die Oorwinnaar. Hy het sy vader in omstreeks 995 opgevolg. Hy staan op die drempel van opgetekende geskiedenis, want hy is die eerste Sweedse heerser waaroor heelwat bekend is.[1]
Olof word beskou as die eerste koning wat oor beide die Swede en die Gaute regeer het. In Swede word die bewind van koning Olof (omstreeks 995-1022) beskou as die oorgang tussen die Wikingtydperk en die Middeleeue, want hy was die eerste Christelike koning van Swede en die laaste een in Skandinawië wat die Christendom aanvaar het. Hy word verbind met 'n groeiende invloed van die kerk in wat vandag Suidwes- en Sentraal-Swede is. Noorse geloofsoortuigings het tot die 12de eeu in dele van Swede bly voortbestaan.[2]
Olof het saam met Sven Vurkbaard geseëvier toe die konings 'n bondgenootskap gesluit het om die Noorweegse koning Olaf Tryggvason in die Slag van Svolder te verslaan. Ná die veldslag het die twee konings Noorweë in kleiner gebiede verdeel. In Heimskringla word die mees gedetailleerde weergawe van die verdeling gegee. Olof het vier distrikte in Trondheim gekry, sowel as Møre, Romsdal en Rånrike.[3]
Verwysings[wysig | wysig bron]
- ↑ Bagge, Sverre (2014). Cross and Scepter: The Rise of the Scandinavian Kingdoms from the Vikings to the Reformation (in Engels). Princeton University Press. p. 55. ISBN 978-1-4008-5010-5.
- ↑ "Religion in Sweden". 2 September 2014.
- ↑ "Sweyn I | king of Denmark and England".
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Erik die Oorwinnaar |
Sweedse koning | Opvolger Anund Jakob → |
