Orania (dokumentêr)
| Orania | |
|---|---|
| Regisseur | Tobias Lindner |
| Produksieleier | Tobias Lindner Sascha Supastrapong |
| Draaiboek | Tobias Lindner |
| Kinematografie | Tobias Lindner |
| Redigeerder | Melanie Schütze |
| Ateljee | Beuth Hochschule für Technik Berlin |
| Uitgereik | 28 September 2012 (Raindance Film Festival) |
| Speeltyd | 94 minute |
| Land | Duitsland Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Orania is'n 2012 Duitse dokumentêr geskryf en geregisseer deur Tobias Lindner. Die film bied 'n insig in die sosiale omstandighede in die Afrikaner-dorp Orania in die Noord-Kaap, Suid-Afrika. Die film ondersoek kulturele identiteit en die lyn tussen selfbeskikking en diskriminasie. Op 12 April 2012 is die lokprent vrygestel.[1] Die rolprent het sy bekendstelling op 28 September 2012 by die Raindance Film Festival in Londen beleef. Daar het die dokumentêr meegeding in die kategorie Beste Dokumentêr.[2]
Sinopsis[wysig | wysig bron]
In die dorpie Orania vorm 800 Afrikaners 'n onafhanklike gemeenskap. Hul dorp is private eiendom (gekoop in 1990) en hulle leef onafhanklik van multikulturele Suid-Afrika. Die afskaffing van apartheid, die verhoging van misdaadvlakke, werkloosheid en sosiale druk het gelei tot 'n klein migrasiegolf na die dorp. In Orania fokus die inwoners op die behoud van hul gedeelde kultuur. Die inwoners bly in die dorp vanweë hul kulturele ideale of vir die dorp se veiligheid en geleenthede, en ander bly uit desperaatheid.[3]
Verwysings[wysig | wysig bron]
- ↑ Orania (2012) Vimeo. 12 April 2012
- ↑ Orania Geargiveer 4 Februarie 2017 op Wayback Machine Raindance Film Festival.
- ↑ Orania Orania Dokumentêr.