Orania Beweging

in Wikipedia, die vrye ensiklopedie
Jump to navigation Jump to search
Afrikanervryheidstigting
handeldrywend as
Orania Beweging
Bike share scheme for residents and visitors in Orania.jpg
Die inligtingskantoor van die Orania Beweging aan die Saffierstraat in Orania.
Tipe Vereniging sonder winsoogmerk
Gestig 1988
StigterCarel Boshoff
Hoofkantoor Orania, Noord-KaapSuid-Afrika
SleutelpersoneCarel Boshoff IV (President)
Jaco Kleynhans (HUB)
Werknemers20
DogtermaatskappyeEPOG
Helpsaamfonds
Gousblom Ontwikkeling
Orania Beweging Europa
Orania Groeifonds
Orania Kunsteraad
Orania Sportfederasie
Webwerforania.co.za

Die Orania Beweging (ook: Afrikanervryheidstigting[1]) is 'n kultuur-politieke vereniging sonder winsoogmerk wat steun vir Orania en Afrikaner-selfbeskikking probeer werf. Die vereniging onderhou en ontwikkel ook die filosofiese gedagte agter Orania. Die Orania Beweging is in 1988 deur Carel Boshoff gestig.[2] Die huidige president van die Orania Beweging is Carel Boshoff IV.[3]

Die Orania Beweging hanteer die eksterne skakeling van Orania en onderhou kontakte met ander organisasies in Suid-Afrika en daarbuite. Ook probeer die Orania Beweging met verskeie filiale die gemeenskapslewe binne Orania aan te jaag.

Geskiedenis[wysig | wysig bron]

Aan die einde van die 1970's het die Suid-Afrikaanse Buro vir Rasse-aangeleenthede onder leiding van Carel Boshoff gestel dat apartheid onvolhoubaar was en swart meerderheidsregering in Suid-Afrika onvermydelik was. SABRA het destyds voorgestel dat Afrikaner-selfbeskikking op 'n ander manier bereik moes word: in plek van ander volke uit Suid-Afrika onafhanklik te laat word, moes die Afrikaner homself uit Suid-Afrika onttrek om sodoende sy vryheid te verseker.

In 1988 is die Afrikanervryheidstigting opgerig met die doel om die gedagte van SABRA in die praktijk te ontwikkel.[2] Na navorsing was volgens SABRA duidelik dat die volkstaat die beste in die Noordwes-Kaap ontwikkel kon word. 'n Soektog na 'n geskikte plek om die ontwikkeling te begin het eers op niks uitgeloop, totdat die Departement van Waterwese sy privaat dorp Orania in Desember 1990 in die Landbouweekblad te koop aangebied het.[2] Individuele lede van die Afrikanervryheidstigting het die dorp toe gekoop.[4] Na die koop van Orania in 1991 is die kantore van die Afrikanervryheidstigting na Orania geskuif. Die Afrikanervryheidstigting is daarna nou betrokke gewees by die begin van die ontwikkeling van Orania as Afrikanerdorp.

In 2002 het die Afrikanervryheidstigting 'n handelsnaam, Orania Beweging, aangeneem. Ook het die Orania Beweging SABRA oorgeneem, wat 'n filiaal in die vorm van EPOG geword het.

In 2009 is die Orania Beweging en die Orania Dorpsraad, wat die dorp feitlik bestuur, heeltemal geskei en is take beter verdeel. Die Orania Dorpsraad doen alle munisipale take en die Orania Beweging doen eksterne skakeling en bemarking.

Die vereniging[wysig | wysig bron]

Die Orania Beweging het 'n verenigingsbestuur bestaande uit 40 lede, die Burgerraad, wat vir die helfte deur die lede gekies word. Die ander helfte bestaan uit die oprigters van die Orania Beweging. Die Burgerraad stel 'n Uitvoerende Raad aan, wat die vereniging se daaglikse bestuur is. Die Praesidium lei die organe van die vereniging en bestaan uit die president, die onderpresidente en die uitvoerende hoof.[1]

Die Orania Beweging het ongeveer 5 000 lede.[5] Ledegeld is die grootste bron van inkomste.[6] In 2016 het die Orania Beweging 'n begroting van ongeveer R 4,3 miljoen gehad, 'n groei van 25% ten opsigte van 2015.[6]

Die Orania Beweging het ongeveer 20 medewerkers. Die kantoor word gelei deur die uitvoerende hoof. Die vereniging se kantore is sedert 1991 in die Vryheidsentrum aan die Pêrellaan in Orania gevestig. In 2016 is die inligtingskantoor en die boekwinkel van die Vryheidsentrum na addisionele kantore aan die Saffierstraat geskuif.

Die Orania Beweging het verskeie filiale:[6]

  • Die Helpsaamfonds samel geld in vir armoedebestrydingsprojekte;
  • Gousblom Ontwikkeling ontwikkel en verhuur goedkoop behuising in Orania. Gousblom Ontwikkeling huisves meer as 120 mense;
  • Die Orania Groeifonds is 'n beleggingsfonds wat in klein sake-ondernemings in Orania belê;
  • Die Orania Kunsteraad ontplooi kulturele projekte in Orania;
  • Die Orania Sportfederasie ondersteun sportverenigings in Orania;
  • Die Vereniging vir Ekonomie, Politiek, Omgewing en Geskiedenis (EPOG) ontwikkel die Orania-filosofie en beheer die argiewe van verskeie voormalige Afrikaner-organisasies;
  • Die Orania Beweging Europa werf steun vir Orania en Afrikaner-selfbeskikking in Europese lande.

Publikasies[wysig | wysig bron]

Die belangrikste publikasie van die Orania Beweging is die ledetydskrif Voorgrond, wat vier keer per jaar verskyn. Die Orania Beweging versprei via sosiale media sy tweeweeklikse geselsprogram Toekomsgesprek.[7] Ook onderhou die Orania Beweging 'n elektroniese nuusbrief en 'n webwerf. Die belangrikste kommunikasiemiddel van die vereniging is egter sy Facebookblad, wat meer as 90.000 'likes' het.[8]

Die filiaal EPOG publiseer sedert 2016 die filosofiese tydskrif Rede. EPOG druk ook boeke.[6]

Sien ook[wysig | wysig bron]

Eksterne skakels[wysig | wysig bron]

Verwysings[wysig | wysig bron]

  1. 1,0 1,1 Grondwet, Orania Beweging, besoek op 22 November 2017.
  2. 2,0 2,1 2,2 Tydlyn van Orania, Orania Beweging, besoek op 22 November 2017.
  3. Orania se leiers, Orania Beweging, besoek op 22 November 2017.
  4. Geskiedenis, Orania Beweging, besoek op 22 November 2017.
  5. Mylpaal van 5 000 lede, Orania Beweging, besoek op 22 November 2017.
  6. 6,0 6,1 6,2 6,3 Jaarverslag 2016, Orania Beweging, 17 Junie 2017, besoek op 22 November 2017
  7. Toekomsgesprek, YouTube, besoek op 22 November 2017.
  8. Orania Beweging, Facebook, besoek op 22 November 2017.