Orkney snork nie! (die moewie) (Dis lekker by die see)
Orkney Snork nie! (Die Movie) is 'n 102 minuut lange Afrikaanse komedie wat in 1992 vrygestel is.[1] Die film is deur Willie Esterhuizen geregisseer met 'n draaiboek ook deur Willie Esterhuizen, vervaardig deur Westel & Philo Pieterse Produksies en versprei deur Ster-Kinekor.[1]
Sinopsis
[wysig | wysig bron]In hierdie rolprent gaan die Van Tonders op vakansie na Margate. Hendrik wil visvang, die kinders wil speel en swem, Yollie en Maggie wil bruinbrand, en Ouboet het sy selfgeboude, opgedoende snelboot wat hy in die see wil uittoets. Hul droomvakansie word egter gesaboteer deur 'n Johannesburgse sakeparadys wat die karavaanpark waar hulle vakansie hou, wil koop, afbreek en in 'n winkelsentrum omskep. Maar dan kry hulle te doen met die Van Tonders, wat hulle nie sommer laat rondstoot nie.[1]
Rolverdeling
[wysig | wysig bron]Die rolverdeling is Zack du Plessis (as Hendrik), [[Annette Engelbrecht] (as Maggie), Dulsie van den Bergh (as Ouma), Pierre van Pletzen (as Spike), Danie Smuts (as Oom Hans), Marcel van Heerden (as Ouboet), Sally Campher (Yolanda), Anrich Herbst (as Wimpie), Carien Wandrag (as Sonja), Karleine Herbst (as Liz), Bernice du Plessis (as Riekie), Eugene Martin (as Neelsie), Jano Esterhuizen (as Hendrikkie), Willie Esterhuizen (as Giel), Gigi Strydom (as Poppie), Joan Niemandt, Samson Khumalo, en Lance Epstein.[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.