Osmo Vänskä

in Wikipedia, die vrye ensiklopedie
Jump to navigation Jump to search
Osmo Vänskä
[[Beeld:
Osmo Vänskä, 2017
|250px]]
Osmo Vänskä, 2017
GeboortenaamOsmo Antero Vänskä
Geboorte28 Februarie 1953 (1953-02-28) (66 jaar oud)
Sääminki, Finland
Beroep(e)dirigent, klarinettis, komponis
Genre(s)Klassiek
Instrument(e)Klarinet
Aktiewe jare1971–tans
Portal.svg Musiekportaal

Osmo Antero Vänskä (gebore op 28 Februarie 1953) is 'n Finse dirigent, klarinettis en komponis.

Vänskä het sy musikale loopbaan as 'n orkestrale klarinettis saam met die Turku Filharmoniese Orkes begin. (1971–76).[1] Hy het daarna vanaf 1977 tot 1982 die hoof klarinettis van die Helsinki Filharmoniese Orkes geword. Gedurende die tyd het hy begin om saam met Jorma Panula by die Sibelius Akademie te studeer, waar sy klasmaats Esa-Pekka Salonen en Jukka-Pekka Saraste ingesluit het. In 1982 het hy die Internasionale Besançon-kompetisie vir Jong Dirigente gewen.

Vänskä het in 1985 die hoof gas-dirigent van die Lahti Simfonieorkes geword, en in 1988 die Hoofdirigent daarvan. Hy het sy ampstermyn met die Lahti Simfonieorkes in 2008 beëindig, en is nou die orkes se Dirigent-Laureaat. Sy volledige stel van Sibelius se simfonieë met die Lahti Simfonieorkes op die BIS plate-etiket het wydverspreide lof ontvang. Hy het op uitvoerige wyse saam met die Lahti Simfonieorkes vir die BIS plate-etiket opgeneem, insluitende die musiek van Kalevi Aho, Einojuhani Rautavaara, Bernhard Crusell, Uuno Klami, Tauno Marttinen, Robert Kajanus, Sofia Gubaidulina, Joonas Kokkonen, Jan Sandström, Jean Sibelius, en Fredrik Pacius.

Vänskä was vanaf 1993 tot 1996 die Hoofdirigent van die Yslandse Simfonieorkes. In 1996 was hy aangestel as hoofdirigent van die BBC Skotse Simfonieorkes. (BBCSSO). Hy het tot 2002 in die kapasiteit gedien. Hy het saam met die BBCSSO opnames van die volledige simfonieë van Carl Nielsen vir die BIS etiket gemaak.[2] In Junie 2014 het die Yslandse Simfonieorkes die terugkeer van Vänskä aangekondig as die orkes se nuwe hoof gas-dirigent, met ingang van die 2014-2015 seisoen.[3][4]

In 2003 het Vänskä die musiekdirekteur van die Minnesota Simfonieorkes geword. Hy en die orkes het kritiese lof ontvang, en hy word oor die algemeen beskou as die persoon wat die kwaliteit van die orkes se spel verhoog het.[5] In 2004 het Vänskä en die Minnesota orkes 'n vyfjaar lange projek begin om die volledige simfonieë van Beethoven op die BIS etiket op te neem.[6] In 2005 het Vänskä 'n verlenging van sy kontrak met die Minnesota-orkes aangegaan, met inbegrepe van 2011. In September 2009 het die orkes die verlenging van Vänskä se kontrak aangekondig met inbegrip van die 2014–2015 seisoen.[7] Hy het sy bedanking op 1 Oktober 2013 aangekondig, een jaar nadat die bestuur die musikante uitgesluit het in 'n jarelange arbeidsgeskil.[8] Hy was in April 2014 her-aangestel as die musiekdirekteur van die Minnesota-orkes, met 'n twee-jaar lange kontrak,[9] wat in Mei 2015 verleng was tot Augustus 2019.[10] In Julie 2017 het die orkes 'n verdere verlenging van Vänskä se kontrak aangekondig, met inbegrip van die 2021-2022 seisoen.[11] In Desember 2018 het die orkes aangekondig dat hy nie die kontrak sal verleng wanneer dit in Augustus 2022 verval nie, maar dat Vänskä voortaan as gas-dirigent van die orkes sal optree.[12]

In Mei 2008 was 'n orkestrale stuk wat deur Vänskä gekomponeer is, getiteld "The Bridge", die eerste keer deur die Metropolitan Symphony Orchestra uitgevoer, gelei deur William Schrickel, te wete die assistent-prinsipiële bas-speler van die Minnesota Simfonieorkes. Vänskä self was ook tydens die uitvoering teenwoordig.[13]In April 2019 het die Seoul Filharmoniese Orkes die aanstelling van Vänskä as die orkes se nuwe musiekdirekteur aangekondig, met ingang Januarie 2020, met 'n aanvanklike kontrak van drie jaar.[14]

Verwysings[wysig | wysig bron]

  1. David Patrick Stearns, "Making His Mark: Osmo Vänskä". andante.com (overall site now defunct), Februarie 2004.
  2. Andrew Clements (2005-04-15). "'For my next trick...'". The Guardian. Besoek op 2007-01-28.
  3. Iceland Symphony Orchestra (Sinfóníuhljómsveitar Íslands) (16 Junie 2014). "Osmo Vänskä aðalgestastjórnandi næstu þrjú starfsár". Persberig. Archived from the original on 28 Julie 2014. https://web.archive.org/web/20140728052608/http://www.sinfonia.is/frettir/frettasafn/nr/2435. Besoek op 2014-07-20. 
  4. Andrew Mellor (2014-07-10). "Principal Guest positions for Vänskä and Stenz". Gramophone. Besoek op 2014-07-20.
  5. Jay Nordlinger (15 Februarie 2007). "A Glorious Dawn, in Sound & Spirit". The New York Sun. Besoek op 2007-02-24.
  6. James R. Oestreich (17 Desember 2006). "A Most Audacious Dare Reverberates". The New York Times. Besoek op 2007-02-24.
  7. Minnesota Orchestra (24 September 2009). "Music Director Osmo Vänskä Extends Contract With Minnesota Orchestra". Persberig. http://www.minnesotaorchestra.org/about/news_story.cfm?id_news=18873384. Besoek op 2009-09-29. 
  8. Kerr, Euan, Conductor Vanska resigns from Minnesota Orchestra, Minnesota Public Radio (1 Oktober 2013)
  9. Kerr, Euan. "Vanska has deal to return as Minnesota Orchestra director". MPRnews.org. MPR News. Besoek op 25 April 2014.
  10. Minnesota Orchestra (19 Mei 2015). "Minnesota Orchestra extends contract with Music Director Osmo Vänskä and announces new agreement with musicians". Persberig. https://www.minnesotaorchestra.org/about/learn-more/press-room/1178-minnesota-orchestra-contract-extensions. Besoek op 20 Mei 2015. 
  11. Minnesota Orchestra (10 Julie 2017). "Music Director Osmo Vänskä extends contract with Minnesota Orchestra". Persberig. http://www.minnesotaorchestra.org/about/learn-more/press-room/1696-music-director-osmo-vaenskae-extends-contract-with-minnesota-orchestra. Besoek op 2017-07-12. 
  12. Euan Kerr (2018-12-05). "Minnesota Orchestra's Osmo Vanska to step down in 2022". MPR News. Besoek op 2019-05-04.
  13. Combs, Marianne (16 Mei 2008). "Osmo Vanska composes a musical 'bridge'". MPR News. Minneapolis. Besoek op 15 July 2016.
  14. Harrison Parrott (30 April 2019). "Osmo Vänskä Announced As Music Director of Seoul Philharmonic Orchestra". Persberig. https://www.harrisonparrott.com/news/2019-04-30/osmo-vanska-announced-as-music-director-of-seoul-philharmonic. Besoek op 5 Mei 2019. 

Literatuur[wysig | wysig bron]

Eksterne skakels[wysig | wysig bron]

Kulturele poste
Voorafgegaan deur
Ulf Söderblom
Hoofdirigent, Lahti Simfonieorkes
1988–2008
Opgevolg deur
Jukka-Pekka Saraste (artistiese adviseur)
Voorafgegaan deur
Petri Sakari
Hoofdirigent, Ysland Simfonieorkes
1993–1996
Opgevolg deur
Petri Sakari
Voorafgegaan deur
Jerzy Maksymiuk
Hoofdirigent, BBC Skotse Simfonieorkes
1996–2002
Opgevolg deur
Ilan Volkov