Otto Diels

Otto Paul Hermann Diels (23 Januarie 1876 – 7 Maart 1954) was 'n Duitse chemikus. Sy mees noemenswaardige werk is saam met Kurt Alder gedoen oor die Diels-Alder-reaksie, 'n metode vir siklohekseensintese. Die paar is in 1950 met die Nobelprys vir Chemie bekroon vir hul werk. Hul metode om sikliese organiese verbindings te sintetiseer, was waardevol vir die vervaardiging van sintetiese rubber en plastiek.

Hy het sy opleiding aan die Universiteit van Berlyn voltooi, waar hy later ook gewerk het. Diels was in diens van die Universiteit van Kiel toe hy sy Nobelprysbekroonde werk voltooi het, en het daar aangebly tot sy aftrede in 1945.

Diels was getroud en het vyf kinders gehad. Hy is in 1954 oorlede.

Bronverwysings

• Heinrich Wieland (1957) (in de), Diels, Otto Paul Hermann, 3, Berlin: Duncker & Humblot, p. 647, http://daten.digitale-sammlungen.de/0001/bsb00016319/images/index.html?seite=663none ; (full text online)
• G. Cramm: Diels, Otto Paul Hermann. In: Schleswig-Holsteinisches Biographisches Lexikon. Band 1. Karl Wachholtz Verlag, Neumünster 1970, S. 126f.

Eksterne skakels

• Wikimedia Commons het meer media in die kategorie Otto Diels.