Oubergpas (Sutherland)

Oubergpas is 'n bergpas in die Roggeveldberge wat op 'n grondpad ten noorde van Sutherland lê. Die pas bereik 'n hoogte van 1 402 m bo seespieël en 'n maksimum helling van 1:6.^[1] Die pas bestaan uit talle kurwes, en styg meer as 800 m oor 'n afstand van 10 km.^[1] 'n Uitkykpunt lewer uitsigte oor die omgewing. Die bergpas bestyg 'n platorand wat uit Permiese sedimentêre gesteentes bestaan,^[2] wat soos elders in die bergreeks tot die Ecca- en Beaufortgroepe behoort.