Outeniekwa Spoorwegpas

in Wikipedia, die vrye ensiklopedie
Jump to navigation Jump to search
'n Klas GEA Garratt-stoomlokomotief trek 'n passasierstrein, Outeniekwa Spoorwegpas, 15 Augustus 1973

Outeniekwa Spoorwegpas is 'n bergpas vir treine wat George met Oudtshoorn oor die Outeniekwaberge verbind. Hierdie gedeelte van die Outeniekwaberg is uniek omrede die spoorwegpas, die Outeniekwapas, die Montagupas en die Cradockpas sigbaar is van een punt. Al vier die passe het 'n rol gespeel of speel steeds 'n rol om George met die binneland te verbind.

Geskiedenis[wysig | wysig bron]

Daar is reeds gedurende 1908 begin met die bouwerk van die pas aan die Georgekant. Tien ton plofstof is gebruik om die harde Tafelbergkwartsiet op te breek. Sewe tonnels is gemaak en 'n werksmag van 2 500 man is gebruik om rots en puin in koekepanne die berg af te neem. Die spoorweg het 'n helling van 1:40 op sommige plekke. Die pas is 34 km lank en was gedurende 1913 voltooi. Dit het die roete tussen Port Elizabeth en Kaapstad met 267 km verkort.[1]

Die roete[wysig | wysig bron]

Die pas se roete volg hoofsaaklik dié van die Montagupas en gaan verby beide Cradockpiek (1 579 m) en Georgepiek (1 327 m), die hoogste pieke in die Outeniekwaberge. Hoog teen die berg kruis die spoorlyn wel die Montagupas met 'n brug.[2]

Lokomotiewe op die pas[wysig | wysig bron]

Die Garratt-tipe[3] lokomotiewe het veral bekend geraak met die diens wat hulle hier verrig het. Die volgende klasse het hier diens gedoen:

Sien ook[wysig | wysig bron]

Verwysings[wysig | wysig bron]

  1. Passes & Poorts. Getaway. Marion Whirehead. ISBN 978-1-77009-805-3
  2. Op Pad in Suid-Afrika. 1995. B.P.J. Erasmus. ISBN 1-86842-026-4
  3. Locomotives of the South African Railways. Struik. Leith Paxton & David Bourne. ISBN 0 86977 211 2