P.A. Harms
P.A. (Piet) Harms is in 1933 as die hoofsekretaris van die Suid-Afrikaanse Mynwerkersunie (MWU) verkies. Volgens Die Mynwerker was Harms die gewildste hoofsekretaris sedert Tom Mathews. Hy was ‘n Vrystater wat sedert 1910 in die mynbedryf werksaam was. Benewens hoofsekretaris van die MWU het “kameraad” Harms (soos die mynwerkers in daardie stadium na mekaar verwys het) ook die ontstaan van Die Mynwerker geïnisieer en die redaksie hanteer. In 1927 is hy as Suid-Afrikaanse Arbeidersparty-lid vir Pretoria-Wes tot die Transvaalse Provinsiale Raad verkies. Hy is in Maart 1935 op 41-jarige ouderdom aan myntering oorlede.
Bronnelys
[wysig | wysig bron]- Nasionale Argief van Suid-Afrika, Pretoria, ARB Vol. 1557, file no. C1054/6 Part II, South African argief, Mine Workers’ Union: Koerantknipsel, 26.5.1934.
- E. Stals (red), Afrikaners in die Goudstad. Deel II, 1924-1961, HAUM, Pretoria, 1986, p.72.
- Die Mynwerker, 30.7.1934, pp. 5, 7, 14.
- Ibid., Maart 1935, p. 3 (Hoofartikel) en p. 9 (Piet Harms. R.I.P.).
- Privaatversameling, Mnr. CJ Harms: Koerantknipsels.