Die Pakistanse nasionale vrouekrieketspan (Engels: Pakistan women’s national cricket team, afgekort Pakistan Women of Pakistan W; Oerdoe: پاکستان قومی خواتین کرکٹ ٹیم), met die bynaam Women in Green, is die nasionale vrouekrieketspan wat Pakistan in toets- en kitskrieket verteenwoordig. Dit word beheer en geadministreer deur die Pakistanse Krieketraad (PCB) en is ’n volle lid van die Internasionale Krieketraad (IKR) met toets-, EDI- en T20I-status. Pakistan is tans (Oktober 2025) agtste op die IKR-vroue-eendagranglys en agtste op die Twintig20-vrouewêreldranglys.[8][9] Een voormalige Pakistanse speler is in die Internasionale Krieketraad se Heldesaal opgeneem.
Die provinsiale streke van die Pakistanse Krieketraad
Die Pakistanse Krieketraad (PCB) is op 1 Mei 1949 as Raad vir Beheer van Krieket Pakistan (BCCP) gestig en verantwoordelik vir die reël van krieket in Pakistan.[10] Sedert 28 Julie 1952 is Pakistan ’n volle lid van die Internasionale Krieketraad (IKR) en mag dus toetskrieket speel.[11][12] Daarbenewens was die Pakistanse beheerliggaam in 1983 ’n stigtingslid van die Asiatiese Krieketkonferensie (Asian Cricket Conference, ACC; nou Asiatiese Krieketraad).[13]
Die Pakistanse Krieketraad bestuur al die Pakistan-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en die reël van internasionale wedstryde tuis. Daarbenewens is die PCB verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Pakistanse span.
Kinders en jongmense word reeds op skool aan krieket bekend gestel en na gelang van hul belangstelling en talent begin hulle met hul afrigting. Net soos ander krieketlande beskik Pakistan oor ’n o/19-nasionale span wat aan die o/19-vrouekrieketwêreldbeker deelneem.[14]
Die eerste pogings om vrouekrieket in Pakistan te vestig is in 1996 deur die susters Shaiza en Sharmeen Khan onderneem, maar dit is deur doodsdreigemente en regsgedinge beëindig.[15] Die voorstel om in 1997 ’n wedstryd teen Indië te speel is deur die regering onder Nawaz Sharif verhinder.[16] Nogtans het hulle daarin geslaag om ’n toer na Nieu-Seeland en Australië te onderneem, waartydens hulle in Januarie 1997 in Nieu-Seeland hul eerste EDI gespeel het.[15] Ten spyte van nederlae in al drie die wedstryde is die span genooi om aan die Vrouekrieketwêreldbeker 1997 deel te neem, waar hulle in al hul groepwedstryde geklop is.
Pakistan het in April 1998, tydens sy 1997/98-toer na Sri Lanka, sy eerste toetswedstryd gespeel.[17] Gedurende somer 2000 het hulle na Ierland getoer, waar hulle in die EDIs en die toetswedstryd swak nederlae gely het.[18] Pakistan het sy eerste EDI-oorwinning tuis aangeteken, toe hulle in 2000/01 die reeks van sewe wedstryde teen Nederland met 4–3 beklink het.
Destyds is die nasionale span deur die Pakistanse Vrouekrieketbeheervereniging (Pakistan Women’s Cricket Control Association) bestuur. Nadat die vrouekrieket in Pakistan deur die Pakistanse Krieketraad oorgeneem is, het dit tot hofsake gelei.[19] Dit het daartoe gelei dat die span amper nie aan die Vrouekrieketwêreldbeker 2005-kwalifisering in Nederland kon deelneem nie.[20] Nadat die geskil opgelos is, het die span slegs Skotland en Japan geklop, waarmee hulle die hooftoernooi misgeloop het. Vervolgens het die Internasionale Krieketraad gelas dat al die beheerliggame vroue- en manskrieket gesamentlik moet beheer.
Tydens die Vrouekrieketwêreldbeker 2009-kwalifisering het die span die eindstryd gehaal, waarmee hulle weer vir ’n wêreldbekertoernooi gekwalifiseer het. Tydens die hooftoernooi het hulle in die eerste rondte Sri Lanka geklop en daarmee die Super Ses gehaal. Ná slegs een oorwinning oor Wes-Indië is die span uitgeskakel. Tydens die heel eerste T20I-vrouewêreldbeker 2009 is hulle in al hul groepwedstryde verslaan en uit die toernooi geskakel. Tydens die tweede T20I-vrouewêreldbeker 2010 in Wes-Indië het hulle ook geen oorwinning aangeteken nie.
Tydens die Asiatiese Spele 2010 in die Volksrepubliek China het Pakistan sy eerste groot sukses behaal en die toernooi met ’n eindstrydoorwinning oor Bangladesj met tien paaltjies beklink.[21] As gevolg van sy matige prestasie tydens wêreldbekertoernooie moes Pakistan opnuut aan kwalifiseringstoernooie deelneem. Tydens die T20I-vrouewêreldbeker 2012-kwalifisering het hulle daarin geslaag en die eindstryd gehaal. Tydens die hooftoernooi se eerste rondte het die span slegs een oorwinning oor Indië aangeteken. Die Vrouekrieketwêreldbeker 2013 het hulle weereens sonder ’n oorwinning afgesluit, tydens die T20I-vrouewêreldbeker 2014 het hulle slegs Ierland verslaan[22] en hulle het die toernooi in die sewende plek afgesluit. Tydens die Asiatiese Spele 2014 in Suid-Korea het die span sy titel suksesvol verdedig.[23]
Daar het altesaam 20 spelers toets-, 93 spelers EDI- en 57 spelers T20I-wedstryde vir Pakistan gespeel. Vervolgens die spelers wat vir die Pakistanse span die meeste lopies aangeteken en die meeste paaltjies geneem het.
Rekords volledig tot en met EDI #1516 op 26 Oktober 2025. Laaste keer hersien op 27 Oktober 2025. Wenpersentasies sluit onbesliste wedstryde uit en tel gelykop as ’n halwe oorwinning.[39]
Rekords volledig tot en met T20I #2545 op 26 Oktober 2025. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit onbesliste wedstryde uit en gelykop as ’n halwe oorwinning (ongeag die valbyl).[40]
Argentinië • Bahrain • België • Belize • Bermuda • Bhoetan • Botswana • Brasilië • Bulgarye • Chili • Cookeilande • Costa Rica • Denemarke • Duitsland • Eiland Man • Estland • Eswatini • Fidji • Filippyne • Finland • Frankryk • Gambië • Ghana • Gibraltar • Griekeland • Guernsey • Hongkong • Indonesië • Iran • Italië • Japan • Jersey • Kambodja • Kameroen • Katar • Kenia • Koeweit • Kroasië • Lesotho • Luxemburg • Malawi • Maledive • Maleisië • Mali • Malta • Meksiko • Mianmar • Mongolië • Mosambiek • Nepal • Nigerië • Noorweë • Oman • Oostenryk • Peru • Portugal • Roemenië • Rwanda • Samoa • Saoedi-Arabië • Serwië • Sierra Leone • Singapoer • Siprus • Spanje • Suid-Korea • Swede • Tadjikistan • Tanzanië • Tsjeggië • Turkye • Uganda • Vanuatu • Verenigde State • Volksrepubliek China
Ander spanne
Afghanistan • Barbados • Dominica • Grenada • Guyana • Internasionale XI • Jamaika • Jong Engeland • Nieu-Kaledonië • Sint Lucia • Sint Vincent en die Grenadines • Trinidad en Tobago • Wallis • Zambië
1 Vir beide Engeland en Wallis is Engeland die nasionale span.
2 Vir beide die Republiek Ierland en Noord-Ierland is Ierland die nasionale span.
3 Vir Anguilla, Antigua en Barbuda, Barbados, Dominica, Grenada, Guyana, Jamaika, Montserrat, Sint Kitts en Nevis, Sint Lucia, Sint Maarten, Sint Vincent en die Grenadines, Trinidad en Tobago, die Amerikaanse Maagde-eilande en die Britse Maagde-eilande is Wes-Indië die nasionale span.
Mohammad Wasim
Sri Lanka op Colts-krieketklubveld, Colombo; 17–20 April 1998
Wes-Indië op Nasionale Stadion, Karatsji; 15–18 Maart 2004
Nieu-Seeland op Hagley-ovaal, Christchurch; 28 Januarie 1997
Ierland op The Vineyard, Dublin; 25 Mei 2009
Australië
Bangladesj
Engeland
Indië
Suid-Afrika
Denemarke
Japan
Nederland
Skotland
Thailand
Zimbabwe
Barbados
Maleisië
Nepal
Verenigde Arabiese Emirate
