Palm (PDA)
Palm is 'n nou gestaakte reeks persoonlike digitale assistente (PDA's) en selfone wat ontwikkel is deur die Kalifornië-gebaseerde Palm, Inc., oorspronklik bekend as Palm Computing, Inc. Palm-toestelle word dikwels onthou as "die eerste uiters gewilde handrekenaars", wat verantwoordelik is vir die inlui van die slimfoon-era.[1]
Die eerste Palm-toestel, die PalmPilot 1000, is in 1996 vrygestel en het gewild geblyk te wees. Dit het 'n groeiende mark vir draagbare rekenaartoestelle gelei[2] waar vorige pogings soos Apple se Newton misluk het[3] of ander soos Hewlett-Packard se 200LX wat slegs 'n nis-teikenmark bedien.[4]
As gevolg van 'n handelsmerkgeding met die maatskappy Pilot Pen, het die tweede generasie, wat vanaf 1997 beskikbaar was, die naam PalmPilot ontvang. Vanaf 1998 het die toestelle net die naam Palm gedra, gevolg deur 'n Romeinse syfer, soos Palm III. Die groot verspreiding van die Palm Pilots aan die begin van die PDA-era (Palm het tot einde 1996 350 000 eenhede verkoop) het daartoe gelei dat Palm Pilot 'n sinoniem vir PDA geword het.
Die Palm Pilot het nie 'n sleutelbord gehad nie, maar is uitsluitlik met 'n pen gebruik. Die Motorola Dragonball is as prosesseerder gebruik en die bedryfstelsel was spesiaal vir die Pilot ontwikkel as die Palm OS.
Die pilot was oorspronklik beskikbaar in twee variante, die Palm Pilot 1000 (128 kB RAM) en die Palm Pilot 5000 (512 kB RAM). Vanaf 1997 was daar die twee modelle PalmPilot Personal (512 kB RAM) en PalmPilot Professional (1 MB RAM). Ook vanaf 1997 het IBM Palm Pilots onder lisensie vervaardig en onder die naam WorkPad bemark.
Die afmetings was 120 mm × 80 mm × 15 mm en die massa 160 g (met twee AAA-batterye).
Verwysings
[wysig | wysig bron]- ↑ "The PalmPilot - CHM Revolution". www.computerhistory.org. Besoek op 9 Oktober 2018.
- ↑ "A Brief History of Palm". PCWorld (in Engels). Besoek op 14 Oktober 2018.
- ↑ "Palm Pilot".
- ↑ "Palm Inc | Encyclopedia.com".
 |
Wikimedia Commons bevat media in verband met Palm (PDA). |
| Normdata: Nasionaal |
|---|
